अंजोर.रायपुर। मुख्यमंत्री भूपेश बघेल के घोसना मुताबिक नगर निगम, नगर पालिका अउ नगर पंचायत मन म मिशन क्लीन सिटी योजना ले कार्यरत स्वच्छता दीदी के महीना सितम्बर 2023 ले मानदेय बड़वार मुताबिक राज्य शासन ह अवइया एक साल के खातिर रकम के मंजूर जारी कर दीस हावय। जानबा हावय के मुख्यमंत्री बघेल ह स्वतंत्रता दिन के मउका म 15 अगस्त 2023 के स्वच्छता दीदी मनके मानदेय म बड़वार के घोसना के रिहिस। राज्य शासन डहर ले स्वच्छता दीदी मनके मानदेय म बड़वार मुताबिक 7200 रूपिया के मान ले 9232 मानव बल बर अगले एक साल (01 अक्टूबर 2023 ले 30 सितम्बर 2024 तक) के खातिर मानदेय बर 79 करोड़ 76 लाख 44 हजार 800 रूपिया के रकम के मंजूरी करिस। नगरीय प्रशासन अउ विकास विभाग डहर ले आज मंत्रालय ले ए आशय के आदेश जारी कर हावय। नगरीय प्रशासन विभाग डहर ले नगरीय निकाय के अनिवार्य देयता ल पूरा करे के खातिर वित्तीय साल 2023-24 के चुंगी क्षतिपूर्ति मद के बांचे रकम के अग्रिम आहरण बर तुरते जरूरी कार्रवाई करे के निर्देश दे गे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।