मिनी माता सम्मान के खातिर प्रविष्टि 10 अक्टूबर तक आमंत्रित

अंजोर.रायपुर। राज्य शासन डहर ले मिनीमाता सम्मान (महिला उत्थान) के खातिर आने-आने वर्ग ले उत्कृष्ट बुता करे वाला महिला मन ले आवेदन 10 अक्टूबर तक आमंत्रित करे गे हावयं। जिला कार्यक्रम अधिकारी महिला अउ बाल विकास विभाग ले मिले जानकारी के मुताबिक ये सम्मान महिला, बिसेस रूप ले अनुसूचित जाति, जनजाति, आन पिछड़ा वर्ग अउ अल्पसंख्यक वर्ग के महिला मन के हरेक साल दे जाथे। येकर तहत कोनो एक महिला या संस्था के दू लाख रूपिया के रकम अउ प्रशस्ति पट्टिका सम्मान के तौर म दिये जाये के प्रावधान हावय। ए संबंध म जादा जानकारी के खातिर समिलहा जिला कार्यालय के कक्ष क्रमांक 79 म महिला अउ बाल विकास विभाग कार्यालय म कार्यालयीन समय म संपर्क करे जा सकत हाबे। ये तिथि के बाद मिले प्रविष्टि म कोनो विचार नइ करे जाही।