भारतीय पैरा-एथलीटो ह एशियाई पैरा खेल म भारत के अब तक के सबले जादा पदक के संग रचिस इतिहास

अंजोर.ए। भारतीय पैरा-एथलीट ह एशियाई पैरा खेल म भारत के अब तक के सबले जादा पदक के संग इतिहास रच दे हावय। ओमन 29 स्वर्ण पदक सहित कुल 111 पदक जीते। येकर ले पहिली भारत ह एशियाई पैरा खेल के 2010 संस्करण म 14 पदक, 2014 म 33 अउ 2018 म 72 पदक जीते रिहिस। ये खेल के शुरुआत के बाद ले ये भारत के अब तक के सबले बढि़या प्रदर्शन हावय, जिहां भारत समग्र पदक तालिका म पांचवां ठऊर  म रिहिन। भारत ह ए साल अपन सबले बड़का दल भेजे रिहिस, जेमा 303 एथलीट (191 पुरुष अउ 112 महिला) सामिल रिहिस। कुल 111 पदक म ले महिला एथलीट मन ह 40 पदक के योगदान दे हावय, यानी कुल पदक म 36 परतिसत के हिस्सेदारी करिस।

ए रिकॉर्ड-तोड़ प्रदर्शन के बारे म बोलत केन्द्रीय युवा कार्यक्रम अउ खेल मंत्री अनुराग सिंह ठाकुर ह कहिन- “ये प्रदर्शन हमर एथलीट मन के कड़ी मेहनत अउ माननीय प्रधानमंत्री नरेन्द्र मोदी के अगुवई म खेल ले जुरे सही नीति के सुरू के दर्शात हावय। चाहे वो ह जमीनी स्तर म खेलो इंडिया योजना हो या सर्वोत्कृष्ट एथलीट ले संबंधित टारगेट ओलंपिक पोडियम योजना, ये योजना मन के माध्यम ले दे गे समर्थन वास्तव म अब परिणाम दे लगे हावय। तुँमन ल ये जानके खुसी होही के 8 खेलो इंडिया एथलीट अउ 46 टॉप्स  एथलीट ह ये खेल म भाग लिस अउ 111 पदक म ले कुल 38 पदक जीते। संग ही, 2014 के तुलना म खेल बजट म तीन गुना बड़वार ह तको हमन ल अपन सबो एथलीट के बढि़या समर्थन दे दे के क्षमता दीस हावय, चाहे वो ह प्रशिक्षक के मामला म हो या फेर प्रशिक्षण, बिदेस म अनुभव हासिल करने, आहार, बुनियादी नेव के संदर्भ म।

ओमन ये तको कहा, “हाल ही म संपन्न एशियाई खेल के संग-साथ ये एशियाई पैरा खेल अउ पाछु ओलंपिक, पैरालंपिक, सीडब्ल्यूजी, डेफ्लंपिक्स म एथलीटों के शानदार प्रदर्शन ये दर्शाता हावय के खेल म भारत के शक्ति बढ़े हावय। अउ माननीय प्रधानमंत्री ह हाल ही म आईओसी  के बइठक म कहा, भारत न सिरिफ बढि़या प्रदर्शन करे, बल्कि बड़े आयोजन के मेजबानी के खातिर तको तइयार हावय, चाहे वो ह 2030 म युवा ओलंपिक हो या 2036 म ग्रीष्मकालीन ओलंपिक।