सिनेमा। श्री प्रेम किर्तन फिल्म प्रोडक्शन के बैनर म बने छत्तीसगढ़ी फिल्म 'सिंदूर' 27 अक्टूबर ले प्रदेस के सिनेमाघर पर रिलीज होवइया हाबे। राजेश तिवारी के निर्देशन म बने ए फिलिम के निर्माता कृष्ण कुमार साहू, एसोसियेट डायरेक्टर युवराज साहू अउ अनुपमा मनहर सह निर्देशिका के रूप म रिहिन। फिल्म म अहम किरदार म अजय साहू, अनिता बरेठ, जागेश वर्मा अउ रूपा चौधरी हाबे।
छॉलीवुड के बहुप्रतिक्षित फिलिम सिंदूर म युवा मनके मन मुताबिक कहानी हे जेमा मया के संग नोकझोक, हास्य अउ रोमांस देखे बर मिलही। पारिवारिक ताना-बाना ले बुने कहानी म राम-सीता अउ किसन-राधा के आरूग पिरित के नवा कहानी देखे बर मिलही। आज के दर्शक वर्ग ल देखे जाए तव युवा मन ही छत्तीसगढ़ी सिनेमा ल पसंद करथे, अइसने फिलिम मन हिट तको होथे। कुछ दिन पहिली सिंदूर के ट्रेलर सोशल मीडिया म रिलीज होइसे, जेमा दू परिवार म दू भाई अउ बहिनी के कहानी हाबे। अकसर जब दू भाई के कहानी आथे तव बड़का ह सुजानी अउ छोटका ह बरजोरी करइया रिथे। इही हाल नोनी मनके तको होथे। अऊ बड़े मनले जादा महतारी बाप के दुलार छोटे ह पाथे इही सेती नटखट तको रिथे। खैर ये सिंदूर के कहानी के हिस्सा नोहय, असल जीवन के हकिकत आए।
सिंदूर के कहानी के बात करे जाए तो कुछ इही अंदाज म राम-सीता अउ किसन-राधा के प्रेम देखे बर मिलही। किसन ह तो अपन राधा ल पा लेथे लेकिन राम अउ सीता ह मिल पाही के नहीं? राम अउ सीता के बीच कोन बनिस रावन?... ये सब सवाल के जवाब मिलही 27 अक्टूबर के जब फिलिम प्रदर्शित होही। देखे बर झन भुलाहू।
फिल्म के कहानी ह युवा वर्ग ल गजब आकर्षित करही। फिल्म म बहुत झन कलाकार मन बड़े पर्दा म डेब्यू करत हाबे, हालांकि ओमन सोशल मीडिया म अपन क्रियेटिविटी देखाते रिथे। शानदार अदाकारी के अलावा गीत संगीत बहुत बढ़िया हाबे सोशल मीडिया म पसंद तको करे जावथे। एक बात अउ खास हाबे, येमा के संवाद ह बहुत बढि़या लागिस। तुकबंधी के चुटिला अंदाज बहुत अच्छा लगथे। वइसे भी जब अनिता बरेठ जइसे कलाकार हाबे तो ठेठपन होबे करही, अनिता अउ अजय के जोड़ी म आज के दर्शक अपन आप ल देखही। बड़का भाई मन किसन अउ राधा म अपन आप ल देखही। फिल्म देखे म वर्तमान परिवेश के सजीव चित्रण दिखही, जेन कहीं न कहीं अपन आसपास के घटना ले जुड़ही।
- फिल्म- सिंदूर
- प्रोडक्शन- श्री प्रेम कीर्तन फिल्म
- निर्देशक- राजेश तिवारी
- निर्माता- कृष्ण कुमा साहू
- एशोसियेट डायरेक्टर- युवराज साहू
- असिस्टेंड डायरेक्टर- अनुपम मनहर
- गीत- विकी जेश
- संगीत- नवीन साहू
- स्वर- सुनील सोनी, अलका चंद्राकर, अनुराग शर्मा, अनुपमा मिश्रा, कंचन जोशी, श्रद्धा मंडल, नवीन साहू
- मियूजिक अरेंजर- सूरज प्रकाश निर्मलकर
- डीओवी- राज ठाकुर
- एक्शन- संजू यादव
- कोरियोग्राफर- निशांत उपाध्याय, चंदन दीप, बाबा बघेल
- कलाकार- अजय साहू, अनिता बरेठ, जागेश वर्मा, रूपा चौधरी, उपासना वैष्णव, हेम लाल कौशल, प्रदीप शर्मा, धर्मेंद्र चौबे, राजेश बगमारे, अजय पटेल, लता राही, श्रुति सिंह, मोहन चौहान, पकलू नायक, रंजीत साहू, नरेंद्र सरकार, अनिल किल्लर, झरनेश यादव, कुलदीप श्रीवास, संजीव यादव, नम्रता देशमुख, अंजू बेबी, दिशा फेकर, पिंकी साहू, पार्थ साहू, कृष्ण कुमार साहू, कुश पटेल, सुनील साहू, योगानंद पन्ना, पूजा टंडेकर, पूजा साहू, पूजा बंसोड, पुनिराम साहू, पुरंजन साहू, रामभरोश निराला।
छत्तीसगढ़ी सिनेमा के बारे म अऊ पढ़े बर खाल्हे के लिंक ल चपकव-
--------- सितारों की बायोग्राफी, लिंक पर क्लिक कर देखें ---------
- फरनाज शेट्टी
- पीहू मिरी
- प्रियांशी देशमुख
- किरण चौहान
- रेणु राय
- मेघा साहू
- प्रताप जंघेल
- काजल राघवानी
- अनिता बरेठ
- काजल सोनबेर
- सतीश साहू
- हेमा शुक्ला
- मनीष कोठारी
- निशा सेन
- पूजा देवांगन
- लिप्सा मिश्रा
- संतोष निषाद
- पायल साहू
- तान्या तिवारी
- प्रगति राव
- मुस्कान साहू
- मन कुरैशी
- ज्योत्सना ताम्रकार
- संजू साहू
- अनिकृति चौहान
- लेजली त्रिपाठी
- रानी चटर्जी
- रीमा सिंह
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।