जवाहर नवोदय स्कूल म खाली सीट म प्रवेश बर ऑनलाइन आवेदन

अंजोर.नारायणपुर। जवाहर स्कूल नारायणपुर म कक्षा 9वीं के 1 सीट अउ 11वीं के खाली सीट (विज्ञान संकाय (गणित, जीव विज्ञान)) म प्रवेश बर ऑनलाइन आवेदन 31 अक्टूबर 2023 तक आमंत्रित करे गे हावयं। जवाहर नवोदय स्कूल के प्राचार्य संजय कुमार मंडल के मुताबिक चयन परीक्षा के आयोजन 10 फरवरी 2024 के करे जाही। 

आवेदन करइया के नारायणपुर जिला के निवासी अउ शैक्षणिक सत्र 2023-24 म कक्षा 8वीं अउ कक्षा 10वीं म जिला के सरकारी अउ अशासकीय मान्यता मिले स्कूल म अध्यनरत होना अनिवार्य हावय। कक्षा 9वीं के खातिर आवेदन करइया के जन्मतिथि 01 मई 2009 ले 31 जुलाई 2011 के बीच होना अउ कक्षा 11वीं के खातिर आवेदन करइया के जन्मतिथि 01 जून 2007 ले 31 जुलाई 2009 के बीच होना अनिवार्य हावय।