अंजोर.धमतरी। प्राथमिक स्वास्थय केन्द्र सांकरा ल राष्ट्रीय स्तर के गुणवत्ता सर्टिफिकेट मिले हावय। मुख्य चिकित्सा अउ स्वास्थ्य अधिकारी डॉ मंडल ह बताइन के बिते दिन केन्द्रीय मूल्यांकन टीम ह 05 विषय जचकी कक्ष, ओपीडी, आईपीडी, लेबोरेटरी अउ राष्ट्रीय कार्यक्रम के क्रियान्वयन म मूल्यांकन करके दस्तावेज के परीक्षण, स्टॉफ अउ मरीज मन के इंटरव्यू करे गिस। ए बखत मैदानी कार्यकर्ता के इंटरव्यू लिस अउ सबो राष्ट्रीय कार्यक्रम के क्रियान्वयन के समीक्षा अउ मूल्यांकन करे गिस। येकर बाद पीएचसी सांकरा के एनक्यूएएस सर्टिफाइड होए के जानकारी दीस।
खण्ड चिकित्सा अधिकारी नगरी डॉ डी.आर. ठाकुर ह बताइन के येकर ले पहिली तको प्राथमिक स्वास्थ्य केंद्र सांकरा ह स्थानीय गांव पंचायत के संग मिलके राष्ट्रीय स्तर म स्वस्थ्य पंचायत के सर्टिफिकेट पा चुके हावय। स्वास्थ्य केंद्र के सेवा लसुदृढ करे म स्थानीय गांव पंचायत अउ जनपद पंचायत नगरी के सहयोग रिहिन हावय। जिला कार्यक्रम प्रबंधक धमतरी श्रीमती प्रिया कवंर ह बताइन के ए गुणवत्ता सर्टिफिकेट के मिले म राज्य अउ जिला कार्यालय के उच्च अधिकारी मन अउ सलाहकार अउ आन तकनीकी स्टाफ के बिसेस सहयोग रिहिन हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।