अंजोर.रायगढ़। भरोसे के सम्मेलन, जिला रायगढ़ म मुख्यमंत्री भूपेश बघेल ह किहिन के - कला अउ संस्कृति के मुख्यालय हमर रायगढ़ म आज हमर राष्ट्रीय अध्यक्ष खड़गे जी आए हावयं राष्ट्रीय अध्यक्ष चुने के बाद खड़के के सबले पहिली रायपुर म राष्ट्रीय अधिवेशन म आए। तबसे उंकर लगाव छत्तीसगढ़ म बने रिहिन हावय। अभी हमर मुख्य पहुना खड़गे जी के हाथ ले बाबा गुरु घासीदास जी के आस्था के चिन्हारी अउ गांव-गांव म बने जैतखाम के शिलान्यास होइस। सत्य के रद्दा म चले के संदेश बाबा गुरु घासीदास जी के हावय। सत्य के रद्दा के महात्मा गांधी जी ह तको बताइन। सत्य के रद्दा हमर रद्दा हावय। पहिली प्रधानमंत्री जवाहरलाल नेहरू जी ले लेके मनमोहन सिंह जी, इंदिरा गांधी जी, राजीव जी, नरसिम्हा राव जी सबो के उद्देश्य हिंदुस्तान के जनता के ताकतवर बनाये के रिहिन।
- हमार एक ही उद्देश्य रिहिन हावय के कइसे आम लोगन के जिनगी म बदलाव लाने जा सके, महिला मन के जिनगी म कइसे बदलाव लाने जा सके। हमर सुदूर वन क्षेत्र म रेहे वाला आदिवासी भाइ बहिनी के आर्थिक रूप ले मजबूत बनाये के खातिर लघु वनोपज खरीदे के बेवस्था हमन हर जगह के, धान खरीदी के बेवस्था होत हावय।
- देश के तीन चौथाई लघुवनोपज छत्तीसगढ़ म खरीदा जाथे।
- हमने शहीद महेंद्र कर्मा के नाम ले बीमा योजना सुरू के जेकर फायदा 12.50 लाख सकलइया के मिलत हावय।
- ये छत्तीसगढ़ मॉडल हावय, जेमा सबले करिन वायदा हम निभाते हावयं।
- समर्थन कीमत म धान खरीदी, भूमिहीन मजदूर मन के 7 हजार रूपिया हरेक साल आर्थिक अनुदान, अंग्रेजी माध्यम म फोकट म शिक्षा दे के वायदा रिहिस, हमन दे।
- आज छत्तीसगढ़ म किसान, नौजवान, मजदूर, महिलाएं, लइका सबो के मजबूत करके रिहिन हावयं।
- छत्तीसगढ़ सरकार तुँहर पइसा तंहू मन तक लौटा रेहे हावय। हमर सरकार संसाधन के उपयोग तुँहर हित म करत हावय।
- आवास बनवाये के खातिर हमन 47 हजार परिवार के खाता म 25-25 हजार रूपिया के रकम जमा करवा दी।
- हमन आर्थिक सर्वेक्षण कराइन येकर रिपोर्ट म जेन आये उंकर हिसाब ले हमन तय करिन हावय के अब 10 लाख आवासहीन परिवार के घर देके रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।