वन्य जीव संरक्षण सप्ताह म जनजागरूकता बर होइस कार्यक्रम

अंजोर.ए। छत्तीसगढ़ म वन्य जीव संरक्षण सप्ताह के बखत लोगन म जनजागरूकता अउ जनभागीदारी सुनिश्चित करके वन्यजीव के संरक्षण अउ सुरक्षा बर आने-आने स्तर म कार्यक्रम के आयोजन करे गिस। नवा रायपुर के नंदनवन जू अउ सफारी म वन मंत्री मोहम्मद अकबर के दिशा-निर्देशन अउ प्रधान मुख्य वन संरक्षक अउ वन्य बल प्रमुख व्ही. श्रीनिवास राव अउ प्रधान मुख्य वन संरक्षक (वन्य प्राणी) सुधीर अग्रवाल के मार्गदर्शन म आने-आने कार्यक्रम जंगल सफारी प्रबंधन डहर ले आयोजित करे गिस।

वन विभाग के  अधिकारी मनन बताइन के नंदनवन जू अउ सफारी, नवा रायपुर म वन्य जीव संरक्षण सप्ताह के बखत 02 अक्टूबर के स्वच्छता ही सेवा स्वच्छता रैली, 03 अक्टूबर के वन्यजीव के पारिस्थितिकी तंत्र म भूमिका, प्रश्नोत्तरी प्रतियोगिता अउ 04 अक्टूबर के चित्रकला प्रतियोगिता के आयोजन करे गिस। इही रकम ले 05 अक्टूबर के वाद-विवाद प्रतियोगिता, 06 अक्टूबर के निबंध प्रतियोगिता, 7 अक्टूबर के फोटोग्राफी प्रतियोगिता, जंगल सफारी/बॉटनिकल गार्डन ले संबंधित अउ 08 अक्टूबर बर्ड वाचिंग के आयोजन करे गिस। ए बखत वन्य जीव संरक्षण सप्ताह के समापन मउका म भाग लेवइया मन के पुरस्कार बाटे तको गिस।