अनिकृति चौहान के फिलिम 'नोनी के अनहोनी' नवंबर म आही

अंजोर.ए। छत्तीसगढ़ी सिनेमा के मशहूर अदाकारा अनिकृति चौहान के बहुत दिन एको फिलिम देखे बर नइ मिले हाबे। वइसे अब ओमन सरलग फिलिम ले जादा अपन काम अउ फिलिम के स्टोरी म धियान देथे। सोशल मीडिया ले मिले आरो के मुताबिक नवंबर अ​निकृति चौहान के एक फिलिम आही जेकर नाव हाबे 'नोनी के अनहानी' येमा नायक के रूप म विशाल हावय संग म संजय महानंद तको बड़का भूमिका म हाबे।

विशाल के गतमाह वैदेही रिलीज आए रिहिस जेमा श्रद्ध पाणीग्रही अउ काजल सोनबेर के अहम भूमिका रिहिस। अब अनिकृति चौहान अउ विशाल के जोड़ी नोनी के अनहोनी लेके आवत हाबे। ये फिलिम म संजय महानंद के जबर भूमिका होबे। ओमन वइये आजकल छत्तीसगढ़ी ले जादा भोजपुरी सिनेमा म रगे हावय। सरलग ओमन यूपी, बिहार, झारखंड म शूटिंग म रिथे। छॉलीवुड ले ओमन अब आन क्षेत्रिय सिनेमा म तको सफलता के झंडा गाड़े हाबे। संजय महानंद एक हास्य कलाकार के रूप म बड़का चिनहारी रखथे।

जइसे के फिलिम के नाम हाबे नोनी के अनहोनी अइसे केहे जा सकते ये एक हास्य प्रधान मनोरंजक फिलिम होही। अउ जब संजय महानंद जइसे कलाकार अहम किरदार म हाबे तब तो पइसा वसुल फिलिम साबित होही। अनिकृति चौहान के दर्शक मन बर ये खुशी के बात आए के ये फिलिम के प्रदर्शन के घोसना सोशल मीडिया ले ओ चुके हाबे। एक खुबसूरत पोस्टर के संग प्रदर्शन के तारीक 24 नवंबर बताये गे हावय। तो अगोरा रइही अनिकृति, विशाल अउ संजय महानंद के जोड़ी के।