छत्तीसगढ़ी फिल्म 'सिंदूर' के ट्रेलर 14 अक्टूबर के रिलीज होही : ajay sahu, anita bareth, jagesh veram, rupa chaudhri, rajesh tiwari, anupama manhar

सिनेमा। छत्तीसगढ़ी फिल्म 'सिंदूर' के आधिकारिक ट्रेलर 14 अक्टूबर ले सोशल मीडिया म रिलीज होही। श्री प्रेम किर्तन फिल्म के बैनर ​तरी बने फिलिम ​के निर्देशन राजेश तिवारी करे हाबे। ये फिलिम म ह कई मायने म बहुत खास हावय। फिल्म के निर्माता हावे कृष्ण कुमार साहू, कहानी अउ पटकथा राजेश तिवारी के लिखे हाबे। एसोसियेट डायरेक्टर युवराज साहू, अनुपमा मनहर येमा सह निर्देश​क के रूप म रिहिन। फिलिम के गीत लिखे हाबे विकी जेस अउ नवीन साहू, संगीत तको नवीन साहू के हाबे। फिल्म म अहम किरदार म हाबे अजय साहू, अनिता बरेठ, जागेश वर्मा, रूपा चौधरी, नम्रता देशमुख, अंजू बेबी, संजीव यादव, पिंकी साहू, पूजा टांडेकर, मोहन चौहान, अजय पटेल आदि।

बिलासपुर अंचल के ​सिने कलाकार मनके सुघ्घर ये फिलिम के अगोरा सिनेमा के कलाकार मनके संग आम जन ल तको हाबे। फिल्म म ए पइत बहुत झिन सोशल मीडिया के सेलेब्रिटी, जेन मन यूट्यूब म छाये रिहिन हाबे, अब फिलिम म नजर आही। साथ ही छत्तीसगढ़ी सिनेमा ल करीब से जानने वाला डिजिटल प्रमोटर अजय साहू बतौर नायक सिनेमा म आवत हाबे।

फिलिम के दू गाना सोशल मीडिया म आगे हावय। अब लउहे सिनेमा के ट्रेलर तको आही जेन म फिलिम के सोर बगराये के बड़का बुता करही। सिनेमा के ट्रेलर ही लोगन ल अपन कोति तिरे के काम करथे, अउ संग म परचार तको होथे। जनता मा ट्रेलर देखे के बाद फिलिम के अगोरा के दिन गिने के बखत आ जथे। तो आप मन सोशल मीडिया म 14 अक्टूबर ले 'सिंदूर' के ट्रेलर के संग गाना ल तको देखा, अउ हां फिलिम ल तको जरूर देखहा।

• फिल्म - सिंदूर
• प्रोडक्शन - श्री प्रेम कीर्तन फिल्म 
• निर्देशक - राजेश तिवारी  
• निर्माता - कृष्ण कुमा साहू
• कलाकार - अजय साहू, अनिता बरेठ, जागेश वर्मा, रूपा चौधरी, उपासना वैष्णव, हेम लाल कौशल, प्रदीप शर्मा, धर्मेंद्र चौबे, राजेश बगमारे, अजय पटेल, लता राही, श्रुति सिंह, मोहन चौहान, पकलू नायक, रंजीत साहू, नरेंद्र सरकार, अनिल किल्लर, झरनेश यादव, कुलदीप श्रीवास, संजीव यादव, नम्रता देशमुख, अंजू बेबी, दिशा फेकर, पिंकी साहू, पार्थ साहू, कृष्ण कुमार साहू, कुश पटेल, सुनील साहू, योगानंद पन्ना, पूजा टंडेकर, पूजा साहू, पूजा बंसोड, पुनिराम साहू, पुरंजन साहू, रामभरोश निराला। 
• गीत - विकी जेश 
• संगीत - नवीन साहू 
• स्वर - सुनील सोनी, अलका चंद्राकर, अनुराग शर्मा, अनुपमा मिश्रा, कंचन जोशी, श्रद्धा मंडल, नवीन साहू 
• मियूजिक अरेंजर - सूरज प्रकाश निर्मलकर 
• डीओवी - राज ठाकुर
• एशोसियेट डायरेक्टर - युवराज साहू 
• असिस्टेंड डायरेक्टर - अनुपम मनहर 
• एक्शन - संजू यादव 
• कोरियोग्राफर -  निशांत उपाध्याय, चंदन दीप, बाबा बघेल