नारायणपुर मलखंभ अकादमी के कलाकार ‘इंडियाज गॉट टैलेंट शो’ के फाइनल म

अंजोर.ए। 100 ले जादा देश के खेल परेम करइया के दिल म हमर छत्तीसगढ़ के माटी के लाल सोनी टीवी म प्रसारित होवइया ‘इंडियाज गॉट टैलेंट शो’ के फाइनल मुकाबला म 28 अउ 29 अक्टूबर के अपन धमाकेदार मलखंभ के हैरतअंगेज प्रस्तुति  के माध्यम ले खिताब जीते बर जोर लगाही। प्रतियोगिता म विजेता बने के खातिर सबो प्रदेसवासी के आशीर्वाद स्वरूप जादा ले जादा वोट के जरूरत  हावय।

राष्ट्रीय स्तर के मंच म छत्तीसगढ़िया स्वाभिमान के जीत खातिर, हमर प्रदेस के एक नवा पहचान देवाये के खातिर, छत्तीसगढ़ महतारी के मान बढ़ाये के खातिर सबो प्रदेसवासी सोनी लिव एप के डाउनलोड या अपडेट करके हमर हुनरबाज के पक्ष म जादा ले जादा वोट करय अउ अपन अड़ोस-पड़ोस, रिश्तेदार, यार-दोस्त ल तको वोट करवाये के अपील हमर प्रदेश के छत्तीलसग़ढि़या मुखिया भूपेश बघेल ह करें हावय।