विधानसभा चुनाव : आईडी ब्लास्ट म शहीद जवान ल पुलिस लाइन गरियाबंद म दीस श्रद्धांजलि

अंजोर.ए। विधानसभा चुनाव के आन चरण के मतदान के बखत  मतदान क्रमांक 90 बड़े गोबर ले मतदान पार्टी,  मतदान पूरा करे के बाद सुरक्षाकर्मी के संग पैदल वापस गरियाबंद स्ट्रांग रूम के खातिर रवाना होइस ए बखत मतदान केंद्र ले कुछ दूरिहा म ही पुल के पास माओवादी मन डहर ले लगाए गे आईडी ले आइटीबीपी C-54 बटालियन के प्रधान आरक्षक जोगेंदर सिंह शहीद होगे।

शहीद जवान लश्रद्धांजलि दे के खातिर जिला के कलेक्टर आकाश छीकारा, वरिष्ठ पुलिस अधीक्षक अमित तुकाराम कांबले अकताहा पुलिस अधीक्षक डी.सी पटेल, अकताहा पुलिस अधीक्षक नक्सल अशोक वाडेगांवकर, एसडीओपी गरियाबंद पुष्पेंद्र नायक, एसडीओपी मैनपुर बाजी लाल सिंह, डीएसपी सुश्री निशा सिन्हा, डीएसपी गोपाल वैश्य, रक्षित निरीक्षक सनत कुमार ठाकुर अउ आईटीबीपी के सबो वरिष्ठ अधिकारी/ कर्मचारी मन के उपस्थिति म पुलिस लाइन गरियाबंद म शहीद जवानल   नम आँखी ले श्रद्धांजलि दे गिस। तेकर पाछु शहीद जवान 000060102 HC/GD JOGINDER KUMAR S/O DILIP SINGH VILLAGE - ABTAL KATALAN, POST- REHIAN, TAH./DIST. -SAMBA, JAMMUKASHMIR के पार्थिव शरीर ल ससम्मान उंकर निवास ठऊर  म रवाना करे गिस।