हिंद महासागर टूना आयोग के डेटा संग्रह अउ सांख्यिकी म 19 वां कार्यदल के बइठक मुंबई

टूना मछरी के व्यापार ले 2018 म 41 बिलियन डॉलर के वार्षिक योगदान

अंजोर.ए। मत्स्यपालन, पशुपालन अउ डेयरी मंत्रालय के मछरी पालन विभाग 28 नवंबर ले 2 दिसंबर 2023 तक हिंद महासागर टूना आयोग (आईओटीसी) के डेटा संग्रह अउ सांख्यिकी (डब्ल्यूपीडीसीएस19) म 19वें कार्यदल के बइठक के आयोजन करे रिहिन हावय। ए बइठक के उद्घाटन मुंबई के सेंट रेगिस होटल म करे गिस।

ए बइठक के आयोजन हिंद महासागर टूना आयोग अउ सरकार के मछरी पालन विभाग ह सयुक्त रूप ले करिन हावय। बइठक म विश्व भर के टूना मछरी पालन क्षेत्र ले जुड़े परसिध वैज्ञानिक अउ विशेषज्ञ सामिल हो रिहिन हावयं। ए मउका म मछरी पालन विभाग के समिलहा सचिव सुश्री नीतू कुमारी प्रसाद अउ महाराष्ट्र सरकार के मछरी पालन आयुक्त अतुल पाटने तको उपस्थित रिहिस।

टूना मछरी अउ आन बड़का पेलैजिक प्रजाति-

टूना मछरी अउ आन बड़का पेलैजिक प्रजाति, जइसे बिलफिश, शार्क अउ शंकुश आर्थिक दृष्टि ले बहुत जरूरी हावय। सिरिफ टूना मछरी के निर्यात ले साल 2018 म 41 बिलियन डॉलर के वार्षिक व्यापार होइस। ये प्रजाति के अंतर्राष्ट्रीय दायरे म बढि़या प्रबंधन अउ संरक्षण के खातिर साथी प्रयास के जरूरत  हावय।

इंडोनेशिया, फ्रांस, स्पेन, यूरोपीय संघ (ईयू) के आन देशों, सेशेल्स, तंजानिया, ईरान, थाईलैंड, जापान, श्रीलंका, ओमान अउ भारत जइसे देश के भाग लेवइया मन ह व्यक्तिगत रूप ले बइठक म भाग लिस। येकर अकताहा आने-आने आन देशों, हिंद महासागर टूना आयोग अउ वैज्ञानिक संगठन मन के कई भाग लेवइया वर्चुअल मोड म तको बइठक म भाग ले रिहिन हावयं।

ए बखत बइठक म डेटा संग्रह, संकलन अउ आईओटीसी के रिपोर्टिंग म आने-आने देश डहर ले अपनाये गे मौजूदा वैज्ञानिक विधि म विचार-विमर्श अउ विश्लेषण होही अउ हिंद महासागर क्षेत्र म डेटा संग्रह अउ सांख्यिकी के उन्नत अउ सरलीकृत तरीका प्रस्तुत करे जाही। ए बइठक के बाद 4-8 दिसंबर, 2023 के बखत उही ठऊर म हिंद महासागर टूना आयोग के मुख्य वैज्ञानिक समिति के बइठक होही, जेमा हिंद महासागर म टूना अउ टूना जइसे प्रजाति के सतत प्रबंधन ले संबंधित वैज्ञानिक सिफारिश मन के खातिर डब्ल्यूपीडीसीएस अउ आने-आने आन बुता दल के सिफारिश मन म विचार करे जाही।