हाल ही म सतीश जैन के संग अमलेश नागेश अउ एल्सा घोष के जोड़ी ह एक बार फेर इतिहास रच दिस। 'ले सुरू होगे मया के कहानी' ल लेके कोनो ह कल्पना नइ करे रिहिस के ये जोड़ी अतका बड़का हिट साबित होही। फेर जेन फिलिम म सतीश जैन जी के हाथ हावय वो भला कइसे असफल हो सकत हावय।
अभी सतीश जैन 'मोर छइंहा भुंइया 2' के शूटिंग म व्यस्त हावय। ए फिलिम म बड़े भाई के किरदार म मन कुरैशी हावयं, उंकर संग दीक्षा जायसवाल ज लिस हावय। संग ही छोटे भाई जेमा अनुज शर्मा के रिहिस जेमा अमलेश नागेश हावय अउ उंकर संग एल्सा घोष हावय। एल्सा घोष भले ही छत्तीसगढ़ी पृष्ठभूमि ले हे फेर ओला कला के संग आंचलिक बोली के समझ हावय। कई भारतीय भाषा म काम करे वाला एल्सा छत्तीसगढ़ी संस्कृति के बखूबी निभात हावय। वइसे छत्तीसगढ़ी भाषा अतका सरल अउ सहज हावय के कोनो तको आसानी ले सीख बोल सकत हावय।
'मोर छइंहा भुंइया 2' एल्सा के छत्तीसगढ़ी सिनेमा म पांचवां बड़का फिलिम होही। फिलिम के सफलता के लेके सोशल मीडिया म पहिली ले ही गोठबात हावय। बहरहाल सतीश जैन जी ए बारे म सोशल मीडिया म कुछ कहत नइ हावय, सिरिफ उंकर काम बोलता हावय।
'मोर छइंहा भुंइया 2' ले सतीश जैन के संग पहिली बार दीक्षा जायसवाल के काम करे के मउका मिलत हावय। दीक्षा छत्तीसगढ़ी सिनेमा म प्रणव झा के फिलिम 'बीए फाइनल' ले डेब्यू करे जा रेहे हावय, हालांकि अभी रिलीज नइ होइस हावय। प्रणव झा के फिलिम के इही जोड़ी 'मोर छइंहा भुंइया 2' म तको हावय। दीक्षा वइसे कई वीडियो एल्बम म काम करके चुके हावय। अउ सिनेमा म देखे त बहुत लक्कीष तको हावय ओला छॉलीवुड के बड़े निर्देशकों के संग काम करे के मउका मिलत हावय।
मन कुरैशी त अनिकृति चौहान के संग पहिली ही सतीश जैन के निर्देशन म हॅंस झन पगली फॅंस जबे म सफलता के परचम लहरा चुके हावय। अब 'मोर छइंहा भुंइया 2' म बड़े भाई के किरदार म रइही। वइसे मन कुरैशी चॉकलेटी, सिंसियर, हास्य सबो रकम ले के रोल म जम जात हावयं। एमे फिलिम म मन शेखर सोनी वाला सीधे-साधे बड़े भाई के रकम ले रइही। उहें दीक्षा जायसवाल क्वूट भाभी नजर आही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।