ओपी चौधरी केलो विहार म करिस मतदान

अंजोर.ए। छत्तीसगढ़ विधानसभा म प्रदेश के युवा आइकॉन पूर्व आईएएस ओ.पी. चौधारी ह सहपरिवार केलो विहार म मतदान करिस। राजनीति म आये के बाद ये ओमन के दूसरइया पइत चुनाव आए। पाछू दारी खरसियां ले उमेश पटेल ले हारगे रिहिस। अब ओमन रायगढ़ ले चुनाव लड़त हाबे। कलेक्टरी ले इस्तीफा दे के बाद ओमन राजनीति म सक्रिय रूप ले काम करत हाबे, लगातार केन्द्र सरकार के बुता के प्रचार अउ स्थानीय पार्टी के विरोध म मुखर रहे के सेती भाजपा म ओमन ल बड़का कद के नेता के रूप म देखे जाथे। केन्द्र म तको उंकर बने पकड़ हाबे। ये दारी के नतीजा का किथे ए तो 3 दिसंबर के जानबोन। बहरहाल ओमन अपन मतदान सहपरिवार केलो विहार ले करे हाबे अउ सुघ्घर विचार के संग फोटो तको साझा करे हाबे।