अंजोर.रायगढ़। थाना लैलूंगा क्षेत्र ले गांव किलकिला म रहइया जूली कुजूर (34 साल) ल उंकर पति विक्टोर कुजूर (34 साल) डहर ले चरित्र शंका म हत्या के नियत ले सोये अवस्था म पेट्रोल डालके जला दे रिहिस। जूली कुजूर के इलाज बखत 23 नवंबर के संजीवनी अस्पताल रायगढ़ म निधन हो गे। थाना कोतवाली ले मिले डायरी के जांच म लैलूंगा पुलिस मृतिका के पति आरोपी विक्टर कुजूर म हत्या अउ साक्ष्य छिपाये अपराध दर्ज करके आरोपी गिरफ्तार करके आज न्यायिक रिमांड म भेजे गे हावय।
थाना लैलूंगा म थाना कोतवाली ले मृतिका जूली कुजूर के मर्ग डायरी मिले ले मृतिका के वारिसान ले पूछताछ करके कथन लिस जेमा वो बताइन के मृतिका जूली कुजूर के बिहाव 10 साल पहिली बिहाव विक्टोर कुजूर के संग करे रिहिस। तब ले विक्टोर उंकर चरित्र म शंका करके हमेशा लड़ई झगरा करत रिहिस। संदेही विक्टोर कुजूर ले पूछताछ करे म ओमन 22 अक्टूबर के जूली के खाना बनाते समय स्वयं के जल जाये के मनगंढत बात बताके घटना ले साफ इंकार कर दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।