अंजोर. रायपुर, 14 दिसम्बर 2023। मुख्यमंत्री विष्णुदेव साय के अध्यक्षता म मंत्रालय महानदी भवन म आयोजित कैबिनेट के पहिली बइठक म राज्य के ग्रामीण अंचल के आवासहीन के खातिर अहम फइसला लिस। राज्य म 18 लाख 12 हजार 743 जरूरतमंद परिवार के तत्परता ले घर के मंजूरी दे के संग ही जरूरी धनराशि उपलब्ध कराइन जाही। बइठक म उप मुख्यमंत्री द्वय अरूण साव अउ विजय शर्मा मौजूद रिहिस।
प्रधानमंत्री आवास योजना ग्रामीण
कैबिनेट के बइठक म फइसला लिस गे के प्रधानमंत्री आवास योजना ग्रामीण ले स्थायी प्रतीक्षा सूची के पात्र बांचे परिवार (6,99,439) अउ घर प्लस सूची के पात्र परिवार (8,19,999) के मंजूरी करे जाही। योजना के तहत निर्माणाधीन 2,46,215 घर मन के तको लघियात पूरा कराये जाही। राज्य म प्रधानमंत्री ग्रामीण आवास योजना के ले कुल 17,65,653 घर अउ आन 47,090 घर कुल 18,12,743 जरुरतमंद पात्र परिवार के तत्परता ले मंजूरी दे के संग ही जरूरी धनराशि उपलब्ध कराये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।