चक्रधरनगर पुलिस के हाथ लगिस शातिर चोर, मोटर सायकल, टीवी, सीपीयू बरामद

अंजोर.रायगढ़। वरिष्ठ पुलिस सदानंद कुमार के दिशा निर्देशन अउ एडिशनल एसपी संजय महोदवा के मार्गदर्शन म चोरी म अंकुश लगाये खातिर थाना प्रभारीमन क्षेत्र म मुखबिर लगाके संदिग्ध मन म नजर रखे रिहिस। इही क्रम म आज  मंझनिया थाना प्रभारी चक्रधरनगर निरीक्षक प्रशांत राव अहेर के मुखबिर ले सूचना मिलिस  के चक्रधरनगर चौक म दू मनखे मोटर साइकिल बेचे बर गिराहिक के तलाश म हावय। सूचना म तुरते थाना प्रभारी अपन स्टाफ के संग मउका म पहुंच के दुनों संदेही मन ल तलब कर के, पूछताछ म एक ह अपन नाम सुनिसल देवांगन उर्फ़ सुशील निवासी हाउसिंग बोर्ड कॉलोनी चक्रधरनगर अउ दूसर ह रोशन शर्मा उर्फ मुसद्दी निवासी बड़बिल (उड़ीसा) के रेहे वाला बताइन। दुनों के गतिविधी संदिग्ध होए म उंकर ले हिकमत अमली ले पूछताछ करे म ओमन शहर म मोटरसाइकिल अउ टीवी, कंप्यूटर, कपड़ा उक के चोरी करे बतायन। 

आरोपी मन के हिरासत म लेके थाना लाने गे जेकर विस्ता्र ले मेमोरेंडम कथन लिस अउ आरोपी सुनिसल देवांगन उर्फ़ सुशील के घर दबिश देके आरोपी के मेमोरेंडम म गवाह के तीर- दू एचएफ डीलक्स मोटरसाइकिल सीजी 13 ए 2630 अउ सीजी 13 ए.डी. 0157, एक 21 इंच सैमसंग कंपनी के टीवी, एक सीपीयू,  20 नग नवा  शर्ट अउ 7 नग फुल पैंट बरामद करके विधिवत जप्ती के गिस। 

उहें आरोपी रोशन शर्मा उर्फ मुसद्दी के निशांदेही म आरोपी मन डहर ले मरीन ड्राइव रोड किनारे छुपा करके रखे एक बिना नंबर मोटरसाइकिल बजाज प्लैटिना बरामद करे गे हावय। आरोपी मन ले जप्त चोरी के मसरूका के संबंध म थाना चक्रधरनगर म आरोपी मन म धारा 41(1+4)CrPC/379,34 IPC  के तहत कार्यवाही करके दुनों आरोपी (1) सुनिसल देवांगन उर्फ़ सुशील पिता स्वर्गीय गंगाराम देवांगन उमर 30 साल निवासी हाउसिंग बोर्ड कॉलोनी थाना चक्रधरनगर जिला रायगढ़ (2) रोशन शर्मा उर्फ मुसद्दी पिता राजेंद्र शर्मा उमर 32 साल निवासी जुन्ना बस स्टैंड सेडैंग, थाना अउ जिला बड़बिल (उड़ीसा) के न्यायिक रिमांड म भेजे गे हावय।  सरी कार्यवाही म थाना प्रभारी चक्रधरनगर निरीक्षक प्रशांत राव (Prashant Rao Aher) के हमराह रिहिन प्रधान आरक्षक संजय तिवारी, रविकिशोर साय, आरक्षक चंद्रकुमार बंजारे, शांति कुमार मिरी अउ  अभय नारायण यादव के अहम भूमिका रेहे हावय।