जेन-जेन हमर क्षेत्र के समस्या रिहिस ओला अब ओसरीपारी दुरिहाबो: अनुज शर्मा

अंजोर.ए। छत्तीसगढ़ विधानसभा म पहिली पइत पहुंचइया धरसींवा के विधायक अनुज शर्मा ह शानदार जीत के बाद पार्टी कार्यालय पहुंचिस अउ मीडिया संग गोठबात करत कहिन के अपन घोसना पाती के मुताबिक अपन क्षेत्र के समस्या ल दुरिहाबो। अभिनेता ले नेता बने अनुज ले जब कलाकार मनके समस्या म सवाल करे गिस त ओमन बताइन के- ‘लोक कलाकार हो या सिनेमा के कलाकार उंकर हित म प्रदेश के भारतीय जनता पार्टी सरलग बुता करे हाबे, अऊ मोर सो जेन बनही मैं जरूर करहूं।‘ अनुज शर्मा ह प्रदेश अउ धरसींवा क्षेत्र के जनता के आभार मानत किहिन के मैं नारी शक्ति मनला नमन करत हवं के ओमन पाछू पांच बछर के प्रदेश के आंतक ले मुक्ति खातिर कमल म मुहर लगाये हाबे। पाछू पांच बछर कांग्रेस के कार्यकाल म माता-बहिनी पर डर-डर के जीयत रिहिस, अब भय मुक्त होके भाजपा सुशासन म ओमन सुरक्षित महसूस करत हाबे।