अंजोर.रायपुर, 12 जनवरी। राष्ट्रीय युवा दिवस 2024 के मउका म राजधानी रायपुर के शहीद स्मारक भवन म प्रधानमंत्री नरेंद्र मोदी के लाइव उद्बोधन के आयोजन करे गिस। ए युवा महोत्सव म संस्कृति मंत्री बृजमोहन अग्रवाल, सांसद सुनिल सोनी डहर ले कार्यक्रम के सुरू स्वामी विवेकानन्द के छाया चित्र म पुष्पांजलि अर्पित करके दीप प्रज्ज्वलित करे के संग करे गिस।
ए साल राष्ट्रीय युवा दिवस देश भर के 800 जिला म 20 हजार ले जादा ठऊर मन म युवा महोत्सव के महाकुंभ युवा कार्यक्रम विभाग के सबो क्षेत्रीय संगठन मन डहर ले विविध सरकारी विभाग के सहयोग ले मनाये जात हावय। देश भर म ‘माई भारत’ के स्वयंसेवी एनएसएस इकाइ, एनवाईकेएस अउ कई शैक्षणिक संस्थान के सहयोग ले भारत के खातिर स्वयंसेवक गतिविधी के संचालन करे बर अपन ऊर्जा के समन्वय करत रिहिन हावय। ए अभियान म 88,000 ले जादा स्वयं सेवक भाग ले रिहिन रिहिस।
जानबा होवय के 12 जनवरी 2024 के स्वामी विवेकानन्द के जयंती हावय अउ ए दिन के राष्ट्रीय युवा दिवस के रूप म मनाये जाथे। युवा कार्यक्रम विभाग देश के कोने-कोने के युवा मन के सामिल करे अउ ओला सशक्त बनाये के अदूसरइया अउ बड़का दृष्टिकोण के संग राष्ट्रीय युवा दिन मनाये जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।