अंजोर.ए। श्री रामलला के स्वागत के एक दिन पहिली ‘एक दीया प्रभु राम के नाम’ दीपोत्सव के कार्यक्रम म जगदलपुर शहर के सबो वर्ग म गजब के उत्साह देखे ल मिलिस। जगदलपुर के दलपत सागर इतवार के संझा लगभग तीन लाख दीया के रोशनी ले जगमगाइस। रानी घाट म पूजा अर्चना के बाद एक संग तीन लाख दीया के रोशनी म दलपत सागर के सुंदरता तको कई गुना बढ़गे। ए बखत आईलैंड म कलाकार मन डहर ले बने रंगोली बिसेस आकर्षण के केंद्र रहिस।
कार्यक्रम म दलपत सागर के किनार म जलत दीपक अउ जगमग रोशनी ले थल अउ नभ के रोशनी ले भर दीस। दलपत सागर के आसपास दीप परब म जमके आतिशबाजी तको करे गिस, जेकर ले पूरा माहौल उल्लासमय होगे। सबो लोगन ह सात बजे बड़का आतिशबाजी के संग दीया ल जलाये। कार्यक्रम म फ्लोटिंग मंच म रामायण मंडली डहर ले रामचरित मानस के गायन करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।