मकर संक्रांति, पोंगल अउ लोहड़ी के सुभकामना दीस मुख्यमंत्री

अंजोर.रायपुर, 13 जनवरी। मुख्यमंत्री विष्णु देव साय ह प्रदेसवासी के मकर संक्रांति, पोंगल अउ लोहड़ी परब के हार्दिक बधाई अउ सुभकामना दीस हावय। मुख्यमंत्री ह ए मउका म सबो लोगन के खातिर सुख-समृद्धि के कामना करे हावय।

मुख्यमंत्री ह अपन शुभकामना संदेश म किहिन हावय के भारत म सूर्य के दक्षिणायन ले उत्तरायण होके मकर रेखा के तनि जाये के स्वागत बहुत उमंग अउ उत्साह ले करे जाथे। देश के आने-आने क्षेत्र म एला मकर संक्रांति, पोंगल अउ लोहड़ी परब के नाम ले मनात हावयं। ये तिहार ऋतु बदलाव के संदेश लेके आथे। साय ह किहिन हावय के ये परब सबो लोगन के जिनगी म सुखद बदलाव लेके आए।