मुख्यमंत्री नौनिहाल छात्रवृत्ति योजना बर ऑनलाईन आवेदन के आखरी तिथि 31 मार्च

अंजोर.धमतरी, 12 जनवरी। श्रम विभाग ले छत्तीसगढ़ भवन अउ आन सन्निर्माण कर्मकार कल्याण मण्डल म पंजीकृत मजदूर के लइका बर मुख्यमंत्री नौनिहाल छात्रवृत्ति योजना संचालित हावय। श्रम पदाधिकारी ह बताइन के येकर तहत शैक्षणिक सत्र 2023-24 म ऑनलाईन आवेदन प्रस्तुत करे के आखरी तिथि 31 मार्च तक करे गे हावय। ओमन बताइन के पहिली म ऑनलाईन आवेदन के आखरी तिथि 31 दिसम्बर 2023 तक रिहिस, फेर विधानसभा चुनाव के आदर्श आचरण संहिता के सेती ले कई पढ़ईया योजना के फायदा ले ले वंचित हो गे हावयं। येकर देखत ऑनलाईन आवेदन के तिथि दू महीना बढ़ाके 31 मार्च 2024 तक करे गे हावय।