 |
| National Road Safety Short Film Festival |
अंजोर.ए। मुख्यमंत्री विष्णु देव साय राजधानी रायपुर म दू दिवसीय राष्ट्रीय सड़क सुरक्षा लघु फिलिम महोत्सव के सुरू 24 जनवरी 2024 के राजधानी रायपुर के मेडिकल कॉलेज स्थित अटल बिहारी वाजपेयी ऑडिटोरियम म करही। ए मउका म सड़क सुरक्षा प्रदर्शनी अउ नुक्कड़ नाटक तको आयोजित करे जाही।
राष्ट्रीय सड़क सुरक्षा महीना 2024 के तहत आयोजित करे जात सड़क सुरक्षा अउ सुगम यातायात संबंधी जनजागरूकता शैक्षणिक कार्यक्रम के श्रृंखला म राष्ट्रीय सड़क सुरक्षा लघु फिलिम महोत्सव के आयोजन करे जात हावय।
महोत्सव के पहिली सत्र म देश के विभिन्य राज्य ले मिले केऊ भाषा के 460 प्रविष्टी म ले श्रेष्ठ चिन्हित 44 लघु फिलिम के प्रदर्शन बिहनिया 10 बजे ले करे जाही। बिहनिया 11:30 बजे सड़क सुरक्षा म आधारित ’’स्टे फिट विथ मी ग्रुप‘‘ डहर ले नुक्कड़ नाटक के मंचन करे जाही। येकर बाद मंझनिया 12 बजे सड़क सुरक्षा प्रदर्शनी, यातायात संदर्शिका के विमोचन अउ फिलिम महोत्सव के विजेता मन के पारितोषिक बाटे अउ उत्कृष्ट अउ पुरस्कृत फिलिम के प्रदर्शन के कार्यक्रम होही।
24 जनवरी के दूसरइया सत्र म संझा 4 बजे ले सड़क सुरक्षा ले संबंधित लघु फिलिम के प्रदर्शन करे जाही। अगले दिन 25 जनवरी के तीसरा सत्र म बिहनिया 10 बजे ले चयनित विशिस्ट लघु फिलिम के प्रदर्शन जनसामान्य के खातिर करे जाही। अंतर्विभागीय लीड एजेंसी (सड़क सुरक्षा) छत्त्तीसगढ़, परिवहन विभाग अउ छत्त्तीसगढ़ पुलिस ह आम नागरिक ले सड़क सुरक्षा के प्रति चलाए जात ए कार्यक्रम म जादा ले जादा भागीदारी के अपील करे हावय।
जानबा होवय के राष्ट्रीय सड़क सुरक्षा लघु फिलिम महोत्सव के खातिर अब तक उत्तर प्रदेस गुजरात, मध्यप्रदेश, कर्नाटक, केरल, महाराष्ट्र, बिहार, पंजाब, असम, राजस्थान, पश्चिम बंगाल, आंध्रप्रदेश, हरियाणा, झारखण्ड, दिल्ली, उड़ीसा सहित आन राज्य ले अउ छत्तीसगढ़ के आने-आने क्षेत्र के भाग लेवइया मन के पंजीकरण होइस हावय। राष्ट्रीय सड़क सुरक्षा लघु फिलिम महोत्सव, छत्तीसगढ़ 2024 म दू श्रेणी म प्रस्तुति स्वीकार करे गे हावय, एमे (1) छत्तीसगढ़ी भाषा (छत्तीसगढ़ी, गोडी, धुर्वा, भतरी, दोरली, संबलपुरी, कुड़ख, सदरी, बैगानी, कमारी, औरिया, सरगुजिया, दंतेवाड़ा गोड़ी आदि) अउ (2) आन भारतीय भाषा, सबो प्रविष्टी के खातिर हिंदी म उपशीर्षक अनिवार्य करे गे हावय।
National Road Safety Short Film Festival :-
- The two-day National Road Safety Short Film Festival will be inaugurated in Raipur on 24 January 2024 at the Atal Bihari Vajpayee Auditorium located in the Medical College of the capital Raipur. Road safety exhibitions and street plays will also be organized on this occasion.
- National Road Safety Short Film Festival, participants from other states including Uttar Pradesh, Gujarat, Madhya Pradesh, Karnataka, Kerala, Maharashtra, Bihar, Punjab, Assam, Rajasthan, West Bengal, Andhra Pradesh, Haryana, Jharkhand, Delhi, Orissa and various states of Chhattisgarh have participated.
- In the first session of the festival, 44 short films identified as the best out of 460 entries in various languages received from different states of the country will be screened from 10 am.
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।