अंजोर.रायपुर 04 जनवरी। केंद्रीय खेल मंत्री अनुराग ठाकुर ह 7 नवा खेलो इंडिया सेंटर्स के मंजूरी दीस। खेल मंत्री टंकराम वर्मा ह ए म खुशी व्यक्त करत होइस केंद्रीय खेल मंत्री के धन्यवाद ज्ञापित करिन। खेल सचिव हिमशिखर गुप्ता ह ए मउका म हर्ष व्यक्त करिन। खेल संचालक श्रीमती श्वेता श्रीवास्तव सिन्हा ह बताइन के खेल संचालनालय के प्रस्ताव म पहिली म 24 जिला म आने-आने खेल विधा मन के 24 खेलो इंडिया सेंटर्स के मंजूरी मिले होए रिहिस, जेकर क्रियान्वयन करे जात हावय।
इही क्रम म आज जिला कोंडागांव म तीरंदाजी, सारंगढ़-बिलाईगढ़ म फुटबॉल, गौरेला पेंड्रा मरवाही म कबड्डी, सक्ती म फुटबॉल, कबीरधाम म कबड्डी, कोरिया म बैडमिंटन अउ मनेंद्रगढ़ भरतपुर-चिरमिरी जिला म कबड्डी खेल के खेलो इंडिया सेंटर्स के मंजूरी भारत सरकार ले मिले हावय। ए रकम ले अब राज्य के 31 जिला म खिलाड़ी के प्रशिक्षण के बेवस्था सुनिश्चित करे जा चुके हावय। राज्य के खिलाड़ी के खातिर प्रशिक्षण के जादा सुविधा मिलही, राज्य के खिलाड़ी के खातिर ये कदम मील के पथरा साबित होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।