अंजोर.जगदलपुर। जिला प्रशासन जगदलपुर बस्तर डहर ले संचालित बस्तर एकेडमी ऑफ डांस आर्ट एंड लिटरेचर (बादल) आसना म अब थिएटर, कत्थक अउ भरतनाट्यम के डिप्लोमा कोर्स सुरू करे जात हावयं। ये डिप्लोमा पाठ्यक्रम के अकताहा योग के सर्टिफिकेट कोर्स तको सुरू करे गे हावय। ये सबो पाठ्यक्रम बर संबद्धता इंदिरा कला संगीत विश्व स्कूल खैरागढ़ ले होही। एकर बर खैरागढ़ के निरीक्षण दल ह पाछु दिन बादल संस्था म करे जात रचनात्मक गतिविधी के निरीक्षण करिन।
बादल संस्था म अब तक खैरागढ़ ले जुरे होके एक साल के लोक संगीत डिप्लोमा, द्विवर्षीय लोक संगीत डिप्लोमा, गीतांजली सुगम संगीत द्विवर्षीय डिप्लोमा, शास्त्रीय संगीत हिन्दुस्तानी गायन डिप्लोमा,शास्त्रीय संगीत तबला वादन डिप्लोमा अउ द्विवर्षीय आर्ट एप्रिसिएशन चित्रकला के कक्षा संचालित करे जात रिहिस। अभी हाल ही म दल के निरीक्षण पाछु बादल संस्था म शास्त्रीय कत्थक नृत्य डिप्लोमा, शास्त्रीय भरतनाट्यम नृत्य डिप्लोमा, एक साल के थिएटर डिप्लोमा अउ योग सर्टिफिकेट कोर्स के कक्षा अगले सत्र ले संचालित करे जाही। ये निरीक्षण दल म इंदिरा कला संगीत विश्व स्कूल खैरागढ़ के डॉ योगेंद्र चैबे (थिएटर), डॉ अजय पांडेय (योग), डॉ शिवाली बैस (कथक) अउ राजेश गुप्ता (प्रशासनिक अधिकारी) सामिल रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।