प्रधानमंत्री नरेंद्र मोदी ह पहाड़ी कोरवा श्रीमती मनकुंवारी बाई ले करिस गोठबात

अंजोर.ए। प्रधानमंत्री नरेंद्र मोदी ह आने-आने योजना मन के तहत लाभान्वित हितग्राही पहाड़ी कोरवा श्रीमती मनकुंवारी बाई ले सोज संवाद करिन। प्रधानमंत्री ह श्रीमती मनकुंवारी बाई ले पूछिस के ओला सरकार के कोन-कोन योजना मन के फायदा मिले  हावय? येकर जवाब म श्रीमती मनकुंवारी ह बताइन के प्रधानमंत्री आवास योजना के तहत बने पक्का मकान म हम रिथन। पहिली बिजली नी होए के सेती ले बहुत दिक्कत होवत रिहिस अब नइ होती।

प्रधानमंत्री मोदी के श्रीमती मनकुंवारी ह बताइन के उंकर परिवार म 5 लोगन हावयं। पहिली जंगल जाके सुखी लकड़ी इकट्ठा करे बर परत रिहिस, ओला जलाके ही खाना बनात रिहिस, ए बुता म बहुत समय जात रिहिस फेर आज उज्जवला योजना के तहत मिले गैस सिलेंडर ले खाना कम समय म आसानी ले बन जाथे।

इही बीच प्रधानमंत्री ह पूछिस- कोनो नवा रेसिपी सीखी या नइ आपने! जेकर जवाब म मनकुंवारी ह बताइन के अब धुस्का, भजिया जइसे चीज़ें आसानी ले बना लेत हवं। मनकुंवारी हम पहाड़ी कोरवा हावयं, हम पहाड़ म रेहे वाला हावयं, पीये के पानी हम सबके खातिर एक बड़े चुनौती रिहिस लेकिन आज सरकार ह घर तक पीने के साफ पानी पहुंचा दे हावय।

श्रीमती मनकुंवारी ह प्रधानमंत्री नरेन्द्र मोदी के ये योजना मन के खातिर धन्यवाद दिस जेला स्वीकार करत प्रधानमंत्री ह किहिन कि- तुँहर धन्यवाद के खातिर मैं तुँमन ल धन्यवाद देत हावं के आप न सिरिफ ये योजना मन के फायदा लेव बल्कि आन हितग्राही मन ल तको योजना मन के फायदा देवाइस। प्रधानमंत्री ह किहिन के- जब योजना मन के फायदा जादा ले जादा लोगन ल मिलत हावय त प्रभाव कई गुना बढ़ जाथे।