अंजोर.रायपुर, 04 जनवरी। स्कूल शिक्षा, उच्च शिक्षा, पर्यटन, धर्मस्व अउ संस्कृति मंत्री बृजमोहन अग्रवाल रायपुर के वीरभद्र नगर स्थित सामुदायिक भवन म विकसित भारत संकल्प यात्रा शिविर म सामिल होइस। शिविर के सम्बोधन करत होइस अग्रवाल ह किहिन के नरेन्द्र मोदी सरकार के सबो योजना मन बिसेस रूप ले गरीब जेन कच्चा मकान म रहत रिहिन हावयं ओला पक्का मकान, किराए के मकान म रेहे वाला ल पक्का मकान, सब्जी के दुकान अउ ठेला लगाये वाला गरीब भाई-बहन ल स्वनिधि योजना के तहत पहिली 10 हजार रूपए, ए 10 हजार के पटाये म 20 हजार अउ 20 हजार पटाए जाये म 50 हजार तक के करजा दे के प्रावधान करिन हावय। प्रधानमंत्री जनधन योजना के माध्यम ले आने-आने योजना मन के सब्सिडी सोज हितग्राही मन के खाते म जमा कराये जात हावय। उहें विश्वकर्मा योजना के तहत बढ़ई, लोहार, मिस्त्री के 3 लाख रूपिया तक के करजा उपलब्ध कराये जात हावय।
ओमन किहिन के केन्द्र सरकार के योजना मन के फायदा अउ सबो रकम ले के सुविधा दे के खातिर विकसित भारत संकल्प यात्रा के शिविर सबोच मोहल्ला म लगाए जात हावयं। ओमन किहिन के जेन दिन देश के गरीब मनखे के जिनगी म खुसयाली आही वो दिन भारत महतारी तको खुश होही। मोदी के गांरटी के रूप म घोसना पाती म हमन अयोध्या रामलला दरसन के योजना, महतारी वंदन योजना के तहत बिहाता बहिनी के 12 हजार रूपिया प्रतिवर्ष, गरीब महिला मन के 500 रूपिया म गैस सिलेण्डर, उज्ज्वला योजना के तहत गैस कनेक्शन दे के योजना बनाये गे हावय, जेला हम पूरा करके रिहिन हावयं। ओमन किहिन के आज इहां शिविर म दिव्यांग के व्हील चेयर, श्रवण यंत्र, राशन कार्ड, मुद्रा लोन अउ स्वनिधि योजना के तहत चेक बांटे करे गिस। ये सबो योजना मन ले गरीब के जिनगी म खुसयाली आए इही मोदी जी के संकल्प हावय।
शिविर म केतन साहू के व्हील चेयर, कामिनी बंजारी, सुनिता बंजारी, प्यारेलाल साहू अउ गुणवंत बंजारी के श्रवण यंत्र, हेमेन्द्र ध्रुव, नीतू देवांगन, शशिकला गंभीर, शकुन्तला साहू, पुर्णिमा देवांगन, योगिता देवांगन, रश्मि वर्मा के राशन कारड बांटे करे गिस। मुद्रा लोन के तहत सुमन किराना स्टोर एक लाख रूपिया अउ कुशल सेठ के 10 लाख रूपिया के चेक सउपिस गे। उहें स्वनिधि योजना के तहत प्रदीप नायक 50 हजार रूपए, निर्मला अउ लक्ष्मी मधुमिता के 20-20 हजार रूपए, इही रकम ले नायाब अली, अजय कुमार कौशल्या, मानिकेतन, महमूद कुरैशी, निर्मला कुल्हारे, इमरोज खान, सपना छुरे, चंदन साहू के 10-10 हजार रूपिया बांटे करे गे। ए बखत नगर निगम उप नेताप्रतिपक्ष मनोज वर्मा, वार्ड के आन जनप्रतिनिधि अउ गणमान्य नागरिक उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।