जवाहर लाल नेहरू उत्कर्ष योजना : कक्षा 6वीं म प्रवेश बर 25 जनवरी तक आवेदन आमंत्रित

अंजोर.कोरिया 04 जनवरी। जवाहर लाल नेहरू उत्कर्ष योजना ले राज्य के उत्कृष्ट अउ प्रतिष्ठित स्कूल म अनुसूचित जाति अउ जनजाति वर्ग के पढ़ईया मन के कक्षा 6वीं म प्रवेश देवाइस जाना हावय। योजना ले प्रवेश 10 मार्च 2024, दिन इतवार के समय मंझनिया 12 ले 2 बजे तक लिखित परीक्षा आयोजित करे गे हावय।

छत्तीसगढ़ म संचालित कोनो मान्यता मिले स्कूल ले कक्षा 5 वीं म सरलग रूप ले पढ़त छात्र, कक्षा 4 थी में 80 परतिसत ले जादा अंक या समकक्ष ग्रेड मिले हो, पालक के वार्षिक आय के स्त्रोत 2.50 लाख ले जादा न हों आय परमान पाती अउ करार प्रपत्र के स्वघोषणा पाती होना चाही।

योजना के ले पढ़ईया मन के चयन पूरा ग्रामीण क्षेत्र म स्थित स्कूल मन म अध्ययनरत् पढ़ईया मन के आधार म करे जाही माने गांव पंचायत, जनपद पंचायत अउ नगर पंचायत क्षेत्र के स्कूल मन ले कक्षा 4थी पास करे वाला पढ़ईया ही योजना के पात्र होही।

नगर पालिका अउ नगर निगम क्षेत्र म स्थित स्कूल मन म पढ़त पढ़ईयायोजना के पात्र नइ होही। प्रवेश परीक्षा म सामिल होए वाला इच्छुक पढ़ईयास्थायी जाति अउ निवास परमान पत्र, पिछली कक्षा 4थी के अंकसूची के सत्यापित छायाप्रति अउ पासपोर्ट साईज फोटो, आयकरदाता नइ होए के प्रमाणपत्र अउ चयन होए म राज्य के कोनो तको उत्कृष्ट अउ प्रतिष्ठित स्कूल म प्रवेश देवाये बर पालक के सहमति पाती के संग 25 जनवरी के पढ़त स्कूल म आवेदन पाती जमा करके सकत हावय अउ आवेदन पाती जमा होए के बाद मापदण्ड  पूरा करे वाला छात्र/पढ़इया लइका ये परीक्षा म नियत तिथि/समय अउ ठऊर  म सामिल होही।