सांसद चुन्नीलाल साहू ह गांव शोभा म ड्रोन मशीन ले दवई छिड़काव के करिन अवलोकन

अंजोर.गरियाबंद 04 जनवरी। विकसित भारत संकल्प यात्रा के माध्यम ले शासन के महत्वाकांक्षी योजना मन के जानकारी आमजन ल दे जात हावय। संग ही पात्र हितग्राही मन के शिविर जगह म ही प्रधानमंत्री किसान सम्मान निधि के पंजीयन अउ किसान क्रेडिट कारड तइयार करके लाभांवित करे जात हावय। इही कड़ी म विकसित भारत संकल्प यात्रा के तहत आज ग्राम- शोभा म ड्रोन मशीन ले नैनो यूरिया छिड़काव के जीवन्त प्रदर्शन करे गिस।

महासमुंद लोकसभा क्षेत्र के सांसद चुन्नीलाल साहू ह ड्रोन ले दवई छिड़काव के अवलोकन करिन। विकसित भारत संकल्प यात्रा के बखत कृषि विभाग अउ नेशनल फर्टिलाईजर लिमिटेड के समिलहा तत्वधान म आने-आने ग्राम म शिविर के माध्यम ले ड्रोन तकनीकी डहर ले नैनो यूरिया छिड़काव के प्रदर्शन करे जात हावय।

खेती म बढ़ते लागत, मजदूर मन के कमी के देखत होइस खेती-किसानी के आधुनिक बनाये के उद्देश्य ले किसान मन के प्रमुख फसल मन म नैनो खातु के उपयोग के बढ़ावा दे के खातिर प्रोत्साहित करे जात हावय। नैनो खातु के फसल म सही अउ लक्षित प्रयोग करे ले पर्यावरण के बिना नुकसान पहुचाए पौधा के जरूरी पोषण दे जा सकत हावय अउ अच्छा उपज मिले जा सकत हावय। ए बखत जनपद अध्यक्ष श्रीमति नुरमति मांझी, वरिष्ठ नागरिक राजेश साहू, आन जनप्रतिनिधिगण अउ नागरीकगण उपस्थित रिहिन।