अंजोर.रायपुर 14 जनवरी। छत्तीसगढ़ म बड़का अउ जबर रूप ले भक्तिमय सांस्कृतिक कार्यक्रम जिला अउ विकासखण्ड स्तर म करे जाही। राज्य शासन डहर ले येकर खातिर राज्य के 146 विकासखण्ड म आयोजन के खातिर एक करोड़ 14 लाख 25 हजार रूपिया के आवंटन कलेक्टर के माध्यम ले जारी करे गे हावय।
राज्य के संस्कृति संचालनालय के चिन्हारी पोर्टल म पंजीकृत विकासखण्ड स्तर म मानस मंडली मन के भक्तिमय सांस्कृतिक कार्यक्रम के खातिर रकम के आवंटन करे गे हावय। ये रकम कलेक्टर के माध्यम ले संबंधित पंजीकृत मानस मंडली मन के उपलब्ध कराये जाही। जानबा होवय के 22 जनवरी 2024 के अयोध्या म आयोजित ‘‘श्री रामलला परान प्रतिष्ठा-रामोत्सव‘‘ ल देखत राज्य भर म बड़का रूप ले भक्तिमय सांस्कृतिक कार्यक्रम के आयोजन करे जाही। मुख्यमंत्री विष्णु देव साय के निर्देश म संबंधित जिला कलेक्टर के ये रकम आबंटित करे गे हावय।
आवंटित रकम म ले रायपुर, धमतरी, बेमेतरा, राजनांदगांव, कबीरधाम, दंतेवाड़ा, बीजापुर, बिलासपुर, सक्ती जिला के 3.25 लाख-3.25 लाख रूपिया सामिल हावय। इही रकम ले बलौदाबाजार-भाटापारा, गरियाबंद, महासमुन्द, बालोद, कोण्डागांव, जांजगीर-चांपा अउ कोरबा जिला के 3.75 लाख-3.75 लाख रूपिया के आवंटन जारी करे गे हावय। दुर्ग, मोहला-मानपुर-अंबागढ़ चौकी, सुकमा, गौरेला-पेण्ड्रा-मरवाही, मुंगेली, सारंगढ़-बिलाईगढ़, मनेन्द्रगढ़-चिरमिरी-भरतपुर जिला के 2.75 लाख-2.75 लाख रूपए, बस्तर, कांकेर, सरगुजा, रायगढ़ जिला के 4.75 लाख-4.75 लाख रूपिया के जारी आवंटन सामिल हावय। खैरागढ़-छुईखदान-गंडई, नारायणपुर, कोरिया जिला के 2.25 लाख-2.25 लाख रूपए, बलरामपुर, सूरजपुर जिला के 4.25 लाख-4.25 लाख रूपिया अउ जशपुर जिला के 5 लाख 25 हजार रूपिया आवंटन भक्तिमय सांस्कृतिक कार्यक्रम के खातिर जारी करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।