प्रधानमंत्री नरेन्द्र मोदी ह कांकेर के भूमिका ले वीडियो कॉन्फरेंसिंग के माध्यम ले गोठबात करिस

अंजोर.कोरिया, 09 जनवरी। देश के प्रधानमंत्री नरेन्द्र मोदी ह विकसित भारत संकल्प यात्रा ले संबंधित देश के आने आने राज्य ले मोदी के गांरटी ले मिले वाला लाभन्वित हितग्राही मन ले वीडियो कॉन्फरेंसिंग के माध्यम ले गोठबात करिस। इही कड़ी म सबले पहिली कांकेर जिला के कुमारी भूमिका ले गोठबात करिस। प्रधानमंत्री मोदी ह भूमिका ले कुछ रोचक सवाल तको करिस। मोदी ह दूरस्थ आदिवासी अंचल के ए बिटिया के तारीफ करत किहिन के स्वसहायता समूह के माध्यम ले आर्थिक रूप ले सशक्त होइस ये आन लोगन के खातिर प्रेरणा के बात तको हावय। वीडियो कॉन्फरेंसिंग के माध्यम ले विकसित भारत संकल्प यात्रा के बारे म भारत सरकार के ग्रामीण विकास अउ पंचायती राज मंत्री गिरीराज सिंह ह जानकारी साझा के के कोन रकम ले विकसित भारत संकल्प यात्रा ले गांव-गांव म सरकार के योजना मन पहुंचत हावय अउ येमा ले ग्रामीण बड़े संख्या म लाभान्वित तको होत हावयं।

कलेक्ट्रेट कार्यालय के एनआईसी कक्ष म जिला के अधिकारी मन वीडियो कॉन्फरेंसिंग के माध्यम ले माननीय प्रधानमंत्री नरेन्द्र मोदी ल सुनिस। बता दें कोरिया जिला म बड़े संख्या म विकसित भारत संकल्प यात्रा के माध्यम ले सरकार के योजना मन के बारे म जानकारी ले रिहिन हावयं संग ही पात्र हितग्राही मन ल मउका म फायदा तको दे जात हावय।