किसान क्रेडिट कारड ले मछरी बर तको सब्सिडी

अंजोर.धमतरी, 09 जनवरी। विकसित भारत संकल्प यात्रा के तहत जिला म संकल्प शिविर सरलग आयोजित करे जात हावयं। संग ही शासन के जनकल्याणकारी योजना मन के जानकारी लोगन ल दे जात हे अउ योजना मन ले लाभान्वित हितग्राही तको अपन कहानी अपन जुबानी बतात हावयं। इही हितग्राही मन म हावयं अइसे मछरी किसान, जेला किसान क्रेडिट कारड के जरिए मछरी पालन बर मिले सब्सिडी के फायदा ले वाला तरसींवा के महेन्द्र कुमार, भोथीपार के श्रीमती खिलेश्वरी सेन सहित आठ आन मछरी कृषक। ओमन बताइन के केन्द्रीय योजना ले मछरी पालन बर मिले वाला सब्सिडी ले फायदा लेके वो आर्थिक स्थिति ल सुधारके प्रगति के रसता म आगू आत हावयं।

जानबा हावय के किसान क्रेडिट कारड के तहत पट्टाधारक या स्वयं के भूमि म बने तरिया अउ संवर्धन पोखर बर प्रति हेक्टेयर चूना, मत्स्यबीज, मत्स्यपूरक आहार, दवई अउ आन बर एक लाख 50 हजार रूपिया के मान ले करजा दे जाथे। जिला के भोथीपार के जय मां खल्लारी स्वसहायता समूह के अध्यक्ष श्रीमती खिलेश्वरी सेन अउ तरसींवा के महेन्द्र कुमार ह किसान क्रेडिट कारड ले उंकर आर्थिक स्थिति म सुधार होए बर प्रधानमंत्री नरेन्द्र मोदी के धन्यवाद ज्ञापन करिन।