अंजोर.रायपुर, 04 जनवरी। शिक्षा मंत्री बृजमोहन अग्रवाल ले भारत स्काउट एंड गाइड संगठन के प्रतिनिधि मंडल ह आज सौजन्य मुलाकात करके ओला भारत स्काउट एंड गाइड छत्तीसगढ़ इकाई के अध्यक्ष बने के गेलौली करिन जेला अग्रवाल ह स्वीकार करके भारत स्काउट एंड गाइड राज्य इकाई के अध्यक्ष बनिस। जानबा होवय के राज्य के शिक्षा मंत्री भारत स्काउट एंड गाइड के राज्य इकाई के पदेन अध्यक्ष होवत हावयं।
शिक्षा मंत्री बृजमोहन अग्रवाल ह किहिन के भारत स्काउट एंड गाइड सेवा भावना ले काम करे वाला संस्था हावय, जेकर गतिविधी के बढ़ाये के जरूरत हावय। आने वाला समय म इही ल अंतर्राष्ट्रीय स्तर के बनाये जाही। राज्य म सामाजिक अउ आन कार्यक्रम म स्काउट एंड गाइड के सदस्य मन के वालंटियर के तौर म सामिल करिन जाए। अयोध्या म 22 जनवरी के राम मंदिर के परान प्रतिष्ठा के मउका म रायपुर समेत पूरा छत्तीसगढ़ म आने-आने कार्यक्रम के आयोजन करे जाही, जेमा वॉलेंटियर के तौर म बेवस्था संभालने के जिम्मेदारी स्काउट एंड गाइड के रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।