तातापानी के प्रसिद्ध तपेश्वर महादेव मंदिर

अंजोर.ए। बलरामपुर-रामानुजगंज जिला म तातापानी म तपेश्वर महादेव के मंदिर गजब प्रसिद्ध हावय। इहा मकर संक्रांति के मउका म हरेक बछर तीन दिन के जबर मेला भराथे। तातापानी के मेला ल अब सरकार कोति ले बड़का महोत्सव के रूप म विकसित करे गे हावय। पाछू केउ बछर ले अब सरकार कोति ले आन राज के कलाकार मनला बलाके बड़का कार्यक्रम तको कराये जाथे। बलरामपुर-रामानुजगंज जिला ह झारखंड अउ बिहार ले लगे हावय ए सेती उहां बिहार के कलाकार मनके तको बने मन करइया हाबे।

एसो के मेला म सीएम साय अउ संस्कृति मंत्री बृजमोहन अग्रवाल सहित केउ नेता मंत्री मन सामिल होगे मेला के आनंद लिस। संक्रांति परब तातापानी महोत्सव मुख्यमंत्री साय ह तपेश्वर महादेव म जल के अर्ध्य देके तपेश्वर महादेव के विशाल प्रतिमा म पुष्प अर्पित करके नमन करिन।