- Online application for recruitment of constable cadre of District Police Force by Police Headquarters Chhattisgarh
अंजोर.रायपुर। पुलिस मुख्यालय छत्तीसगढ़ डहर ले जिला पुलिस बल के आरक्षक संवर्ग के भरती के खातिर ऑनलाइन आवेदन भरे के तिथि के 15 फरवरी ले बढ़ाके 06 मार्च 2024 के रतिहा 11.59 बजे तक कर दे हावय। येकर संग ही आरक्षक संवर्ग के भरती म पुरूष आवेदन करइया बर करार अधिकतम उमर सीमा के अकताहा 5 साल के अउ छूट दे गे हावय।
जानबा होवय के पुलिस मुख्यालय, छत्तीसगढ़ व्दारा जिला पुलिस बल के आरक्षक संवर्ग के सोज भरती के 5967 खाली पद म भरती के खातिर 04 अक्टूबर 2023 के विज्ञापन जारी करे गिस रिहिस। ए विज्ञापन के ओढ़र म छत्तीसगढ़ पुलिस के वेबसाईट म ऑनलाईन आवेदन भरने के तिथि 01 जनवरी 2024 ले 15 फरवरी 2024 तक करार करे गे रिहिस, जेला बढ़ाके 6 मार्च तक कर दे हावय।
ए संबंध म गृह (पुलिस) विभाग डहर ले जारी पाती म उल्लेख करे गे हावय के ‘‘जिला पुलिस बल के आरक्षक संवर्ग के भरती म पुरूष आवेदन करइया बर करार अधिकतम आयु-सीमा के अकताहा एक बार बर 05 साल के अउ छूट दे के जात हावय।’’ पुलिस मुख्यालय, छत्तीसगढ़ व्दारा जिला पुलिस बल के आरक्षक संवर्ग के सोज भरती के 5967 खाली पद म भरती के खातिर 04 अक्टूबर 2023 के जारी विज्ञापन के आन प्रावधान पूर्वानुसार रइही।
- The date of filling the online application has been extended from 15 February to 06 March 2024 from 11.59 pm. Along with this, in addition to the maximum age limit prescribed for male candidate in the recruitment of constable cadre, a relaxation of 5 years has been provided.
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।