अंजोर.मुंगेली। कलेक्टर राहुल देव के अध्यक्षता म पीएम विश्वकर्मा योजना ले जिला स्तरीय क्रियान्वयन समिति के बइठक होइस। बइठक म योजना ले संबंधित आवेदन के अनुशंसा के खातिर प्रस्तुत करे गिस। गांव पंचायत अउ स्थानीय निकाय डहर ले सत्यापन के पाछु 189 प्रकरण पुनरीक्षण अउ अनुशंसा के खातिर प्रस्तुत करे गे, बइठक म येकर अनुशंसा करे गिस। जानबा हावय के पीएम विश्वकर्मा योजना के ले कारीगर, शिल्पकार मन के पहचान करके विश्वकर्मा के रूप म उंकर कौशल उन्नयन करे हावय।
योजना ले उत्पादकता अउ क्षमता बढ़ाये के खातिर करजा सहायता, आधुनिक औजार अउ टूलकिट तको दे जाही। येकर खातिर इच्छुक शिल्पकार/कारीगर के कामन सर्विस सेंटर या पीएम विश्वकर्मा योजना पोर्टल के माध्यम ले पंजीकरण कराना होही।
पंजीयन के खातिर आधार, मोबाईल नम्बर, बैंक विवरण, राशनकार्ड उक दस्तावेज जरूरी हावय। पंजीयन के पाछु विश्वकर्मा के रूप म पहचान करके परमान पाती अउ आई. डी. दे करिन जाही अउ कौशल उन्नयन के खातिर बुनियादी प्रशिक्षण तको दे जाही।
जिला म योजना के ले कुल 07 हजार 400 शिल्पकार/कारीगर के पंजीयन के लक्ष्य रखे गे रिहिस। लक्ष्य के मुताबिक अब तक 03 हजार 700 ले जादा शिल्पकार/कारीगर के पंजीयन करे जा चुके हावय। ए रकम ले अब तक 50 परतिसत ले जादा लोगन के पंजीयन हो चुके हावय। योजना ले जुरे विस्ता्र ले जानकारी के खातिर कलेक्टोरेट स्थित जिला व्यापार अउ उद्योग केन्द्र मुंगेली के कक्ष क्रमांक 215 म सम्पर्क करे जा सकत हाबे। बइठक म वनमंडलाधिकारी सत्यदेव शर्मा, अपर कलेक्टर विजेंद्र सिंह पाटले सहित संबंधित अधिकारी मौजूद रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।