अंजोर.रायपुर, 13 जनवरी। जनजाति कार्य मंत्रालय डहर ले देश के पीवीटीजी समुदाय के 100 जिला म प्रधानमंत्री जनजाति आदिवासी न्याय महा अभियान (पीएम जनमन) के खातिर जागरूकता अभियान चलाये जात हावय। प्रधानमंत्री नरेन्द्र मोदी डहर ले सम्मार 15 जनवरी के वर्चुअल के माध्यम ले पीएम जनमन के लाभार्थी मन के संग गोठबात करही।
बलौदाबाजार भाटापारा जिला के कसडोल नगर म स्वामी आत्मानंद उत्कृष्ट अंग्रेजी माध्यम स्कूल के सभागार म पीएम जनमन कार्यक्रम के आयोजन करे जाही। ए संबंध म आज कलेक्टर चंदन कुमार ह जिला कार्यालय के सभाकक्ष म संबंधित अधिकारी मनके बइठक लेके आयोजन के सफल क्रियान्वयन के संबंध म निर्देश दिये।
ओमन किहिन के संबंधित विभाग चयनित हितग्राही मन ल योजना मन ले लाभान्वित करे के निर्देश दे हावय। येकर अलावा संबंधित अधिकारी मनला जुमेदारी तको सौंपे गे हावय। एमे अनुविभागीय अधिकारी कसडोल के प्रोटोकॉल अउ सरी कार्यक्रम के व्यवस्था, सहायक आयुक्त आदिवासी विकास विभाग के स्टैंडिज, बैकड्राप टेंट सहित अन्य, मुख्य चिकित्सा अउ स्वास्थ्य अधिकारी के चिकित्सा व्यवस्था, आयुष्मान कार्ड, लोक निर्माण विभाग के कार्यपालन अभियंता के मंच निर्माण, अनुविभागीय अधिकारी लोक निर्माण ल ध्वनि, प्रकाश, मंच सज्जा, एलईडी डिजिटल स्क्रीन, जनरेटर, विद्युत विभाग के निर्बाध विद्युत व्यवस्था, ई डिस्ट्रिक्ट मैनेजर के ऑनलाइन कनेक्टिविटी, कृषि अउ कृषि विज्ञान केन्द्र के प्रधानमंत्री किसान योजना, उद्यानिकी के मंच के साज सज्जा अउ पुष्प बेवस्था के जिम्मेदारी दे गे हावय।
कार्यक्रम के आयोजन 15 जनवरी सम्मार के मंझनिया 11.30 बजे ले होही जेमा मुख्य पहुना के रूप म कैबिनेट मंत्री टंकराम वर्मा खास पहुना के रूप म लोकसभा क्षेत्र जांजगीर के सांसद गुहा राम अजगले, लोकसभा क्षेत्र रायपुर के सांसद सुनिल सोनी, भाटापारा विधायक इंद्र कुमार साव, कसडोल विधायक संदीप साहू, बिलाईगढ़ विधायक श्रीमती कविता परान लहरें, जिला पंचायत अध्यक्ष राकेश वर्मा, जनपद पंचायत अध्यक्ष सिद्धांत मिश्रा, नगर पंचायत अध्यक्ष श्रीमती नीलूचंदन साहू, कमार समाज जिला अध्यक्ष, तीज राम कमार के उपस्थिति म संपन्न होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।