लोक प्रशासन म उत्कृष्टता बर प्रधानमंत्री पुरस्कार 2023

अंजोर.ए। पीएम पुरस्कार पोर्टल म नामांकन जमा कराये के आखरी तिथि 31 जनवरी 2024, सबो केन्द्रीय मंत्रालय/विभाग, राज्य सरकार, जिला कलेक्टर मन ल पीएम पुरस्कार पोर्टल म नामांकन करना होही। लोक प्रशासन म उत्कृष्टता बर प्रधानमंत्री पुरस्कार योजना केन्द्र/राज्य सरकार अउ जिला संगठन मन डहर ले करे गे असाधारण अउ अभिनव बुता के मान्यता देत हावय। सरकार के तनि ले 2019 ले 2023 तक लोक प्रशासन म उत्कृष्टता बर 62 प्रधानमंत्री पुरस्कार दिये गये, 2023 योजना के तहत 16 पुरस्कार दिये जाही।

मिले आरो के मुताबिक सरकार ह लोक प्रशासन म उत्कृष्टता बर प्रधानमंत्री पुरस्कार 2023 योजना के शुरुआत के हावय जेला देशभर म सिविल सेवक डहर ले करे गे अनुकरणीय बुताके स्वीकार करे, मान्यता दे अउ पुरस्कृत करे बर तइयार करे गे हावय। साल 2023 बर निम्नलिखित योजना मन के तहत जिला  के समग्र विकास म सिविल सेवक डहर ले करे गे योगदान के मान्यता दे बर लोक प्रशासन म उत्कृष्टता बर प्रधानमंत्री पुरस्कार योजना म संशोधन करे गे हावय।

श्रेणी 1 - 12 प्राथमिक क्षेत्र कार्यक्रम के तहत जिला  के समग्र विकास, ए श्रेणी म 10 पुरस्कार दिये जाही।

श्रेणी 2 - केन्द्रीय मंत्रालयों/विभागों, राज्यों, जिला  म नवा कार्य, ए श्रेणी म 6 पुरस्कार दिये जाही।

पीएम पुरस्कार वेब पोर्टल म पंजीकरण अउ नामांकन जमा कराइन बर 3 जनवरी 2024 के पंजीकरण सुरू हो गे हावय। नामांकन के आखरी तिथि 31 जनवरी 2024 होही।

योजना म बड़का भागीदारी के प्रोत्साहित करे बर प्रशासनिक सुधार अउ लोक शिकायत विभाग ह सबो तक पहुंच के अभियान सुरू करिन हावय जेकर तहत केन्द्रीय मंत्रालय/विभाग, राज्य सरकार अउ जिला कलेक्टर मन के संग आउटरीच बइठक के श्रृंखला आयोजित के गे हावय अउ ओला लोक प्रशासन म उत्कृष्टता बर प्रधानमंत्री पुरस्कार 2023 बर वेब पोर्टल https://pmawards.gov.in म नामांकन जमा कराइन के सलाह दे गे हावय।

लोक प्रशासन म उत्कृष्टता बर प्रधान मंत्री पुरस्कार 2023 म एक ट्राफी, एक स्क्रॉल अउ पुरस्कृत जिला/सगठन के 20 लाख रूपिया के प्रोत्साहन रकम दीस जाही जेकर इस्तेमाल जन कल्याण के कोनो तको क्षेत्र म परियोजनाओं/कार्यक्रमों के क्रियान्वयन या संसाधन के कमी के पूरा करे बर करिन जाही।

वर्ष 2019- 2023 के बखत सरकार ह लोक प्रशासन म उत्कृष्टता बर प्रधानमंत्री पुरस्कार योजना के तहत 62 पुरस्कार दे करे हावयं। साल 2022 म योजना के तहत 743 जिला कलेक्टर मन ह 2,520 नामांकन जमा कराइन जेमा ले 15 नामांकन के प्रधानमंत्री पुरस्कार दे करे गिस। प्रधानमंत्री ह सिविल सेवा दिन के मउका म ये पुरस्कार देहे।

पुरस्कार विजेता मन के नामांकन के संसद टेलीविजन के ‘‘अभिनव पहल’’ श्रृंखला के तहत मासिक राष्ट्रीय सुशासन वेबिनार सीरीज अउ राज्य के राजधानी म बढि़या प्रशासन बेवहार के दर्शाये वाला क्षेत्रीय सुशासन सम्मेलन जइसे राष्ट्रीय मंच म प्रस्तुत करे जाथे।