प्रधानमंत्री जिनगी ज्योति बीमा योजना 18 ले 50 साल के उमर वर्ग के लोगन के खातिर उपलब्ध

अंजोर.नारायणपुर, 02 जनवरी। प्रधानमंत्री जिनगी ज्योति बीमा योजना भारत सरकार डहर ले समर्थित एक जिनगी बीमा योजना हावय। ए योजना के शुरूआत कोलकाता म 9 मई 2015 के भारत के प्रधानमंत्री नरेन्द्र मोदी ह करे रिहिस। भारत सरकार डहर ले समाज के गरीब अउ कम आय वर्ग के विकास के खातिर एक नवा जिनगी बीमा योजना, प्रधान मंत्री जिनगी ज्योति बीमा योजना सुरू करे गे हावय। एक शुद्ध समय बीमा योजना के रूप में, प्रधानमंत्री जीवन ज्योति बीमा योजना 18 ले 50 साल के उमर वर्ग के लोगन के खातिर उपलब्ध हावय।

प्रधानमंत्री जीवन ज्योति बीमा योजना एक नवीकरण बखत के बीमा पॉलिसी हावय, जेन ल वार्षिक रूप ले जीवन बीमा कवरेज दे करत हावय। जेन मनखे के बीमा करे गे हावय वो मनखे के आकस्मिक निधन हो जाये म बीमा कम्पनी उंकर डहर ले नामित करे होइस निमिनी ल 2 लाख रूपिया के आर्थिक मदद दे जात हावय। ए बीमा योजना के प्रीमियम दर आन बीमा पालिसी के तुलना म सबले किफायती हावय। येकर खातिर तुँमन ल 436 रूपिया प्रीमियम दे होवत हावयं, ये प्रीमियम प्रति साल के खातिर मान्य हावय जेकर समय सीमा 1 जून ले 31 मई होवत हावय।

नवा साल म बीमा योजना के प्रमियम 436 रूपिया दुबारा देना होवत  हावय। ए बीमा योजना के फायदा ले के खातिर तुँमन ल प्रधानमंत्री जिनगी ज्योति बीमा योजना फॉर्म भरके आवेदन जमा करना होही। ए योजना म आवेदन करे के 45 दिन के बाद बीमा कंपनी डहर ले प्रीमियम चालू करके दे जाथे। प्रधानमंत्री नरेन्द्र मोदी डहर ले विकसीत भारत संकल्प यात्रा कार्यक्रम चलाये जात हावय। इही के तहत् गांव पंचायत छोटेडोंगर म आयोजित विकसीत भारत संकल्प यात्रा कार्यक्रम शिविर म श्रीमती शांति पति स्व. आदित्य के प्रधानमंत्री मंत्री जिनगी ज्योति योजना के तहत् उंकर पति के बीमा रकम 2 लाख रूपिया के चेक ल प्रदाय करे गिस।