अंजोर.ए। मठपारा के दूधाधारी मठ म ’’श्री राम मंदिर प्राण प्रतिष्ठा कार्यक्रम’’ के आयोजन करे गिस, जिहां संस्कृति अउ पर्यटन मंत्री बृजमोहन अग्रवाल ह जिला प्रशासन के अधिकारी-कर्मचारी अउ दूर-दूर ले रामलला के दरसन करे आये हजारों भक्तजन के संग ’’अयोध्या’’ म ’’राम मंदिर प्राण प्रतिष्ठा’’ के लाइव प्रसारण देखिन। कार्यक्रम म सरलग ’’जय राम’’ के उद्घोष होवत रिहिन अउ अपार जनसमूह ह राममय वातावरण म हर्ष उल्लास के भावावेश म नम आँखी ले रामलला ल अपन अयोध्या के मंदिर म प्रतिष्ठित होवत देखिन अउ नमन करिन।
कार्यक्रम के शुरुआत पर्यटन अउ संस्कृति, धार्मिक न्यास अउ धर्मस्व मंत्री बृजमोहन अग्रवाल डहर ले दूधाधारी मठ म पूजा अर्चना करे ले होइस। अग्रवाल ह किहिन कि, ’’ये जेन उत्साह अउ उल्लास के वातावरण हावय, ये कोनो मनखे नइ बना सकता। प्रभु राम स्वयं आज देश के आशीर्वाद दे पधारे हावयं। प्रभु राम के ननिहाल छत्तीसगढ़ म मैं सबला बधाई देत हवं, प्रभु राम आये हावयं। देश के प्रधानमंत्री नरेन्द्र मोदी ह रामलला के परान प्रतिष्ठा के हावय अउ ए मउका म आज पूरा देश आल्हादित हावय। मैं सबो छत्तीसगढ़वासी मनला बहुत बहुत बधाई अउ शुभकामना देत हवं अउ निवेदन करत हवं के संझा के हम ए तिहार के देवारी स्वरुप मनाये, घर-घर म दीपक जलाएं, हम सरयू जी, गंगा जी के आरती करें, पटाखें फोड़े, अउ परब मनाके प्रभु रामलला के स्वागत करें।’’ ’श्री रामलला दरसन योजना’ के बारे म अग्रवाल ह किहिन कि, ’’हमन तय करे हावन के छत्तीसगढ़ के सरकार अयोध्या दरसन करवाही अउ सरी बेवस्था के संग जल्दी’ ही करवाही।’’
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।