ट्रक ड्राइवर मनके हड़ताल ले आम जनता के दिक्कत न हो, कलेक्टर-एसपी ल मुख्यमंत्री विष्णु देव साय के निर्देश

अंजोर.रायपुर, 2 जनवरी। ट्रक ड्राइवर हड़ताल ल देखत आम जनता के जरूरी जिनिस के कोनो रकम ले के किल्लत न हो, ये सुनिश्चित करे के खातिर मुख्यमंत्री विष्णु देव साय ह वरिष्ठ  अधिकारी अउ सबो जिला  के कलेक्टर-एसपी के निर्देशित करिन हावय। ओमन ट्रक चालक के हड़ताल के चलत प्रदेस म आम जनता के जरूरी सामान के उपलब्धता के संबंध म जमीनी स्थिति के समीक्षा वीडियो कांफ्रेंसिंग के माध्यम ले करिस। मुख्यमंत्री ह किहिन के जनता के जरूरी जिनिस के दिक्कत होए अउ ए सेती ले कानून बेवस्था के स्थिति बिगड़े त कलेक्टर-एसपी के जिम्मेदारी तय करे जाही। मंत्रालय महानदी भवन ले होए ए वीसी म संभागायुक्त, पुलिस महानिरीक्षक के संग जिला  के कलेक्टर अउ एसपी सामिल होइस।

मुख्यमंत्री ह किहिन के आम लोगन तक येकर सही जानकारी पहुंचिस अउ भ्रामक खबरें न फैले। अफवाह फैलाने वाला म कार्यवाही करे जाए। अधिकारी पेट्रोल, डीजल, दवाइ, फल, सब्जी, अनाज के उपलब्धता के जानकारी लें अउ येकर सतत आपूर्ति सुनिश्चित करें। पुलिस सरलग पेट्रोलिंग करें अउ स्थिति म नजर बनाए रखें। प्रदेस अउ जिला स्तर म कंट्रोल रूम बनाये जाए जेन 24 घंटा संचालित हो। कोनो भी जरूरी जिनिस के आपूर्ति बाधित होए म तुरते कार्यवाही के जाए। मुख्यमंत्री साय ह किहिन के प्रशासन सबो स्टाकहोल्डरों ले बात करें अउ देखें के कहूं जमाखोरी त नइ होत हाबे।

मुख्यमंत्री साय ह परिवहनकर्ता डहर ले करे जात आकस्मिक हड़ताल ल देखत राज्य म पेट्रोल-डीजल अउ एलपीजी सहित आन जरूरी जिनिस के परिवहन सतत जारी रखे अउ आपूर्ति सुनिश्चित करे के निर्देश दे हावय। साथ ही ये तको किहिन के राज्य म संचालित पेट्रोलियम-डीजल डिपो अउ एलपीजी डिपो म गाड़ी के प्रवेश अउ निकासी म राजस्व, पुलिस अउ खाद्य विभाग के अमला के ड्यूटी लगाये जाए ताकि कोनो तको रकम ले के व्यवधान नी करे जा सके। ओमन निर्देशित करिन के प्रदेस के कोनो तको जिला म पेट्रोलियम-डीजल अउ एलपीजी सेवा गाड़ी के परिवहन बाधित न हो। ओमन सबो टोल नाकों-चौकी म जरूरी बेवस्था करे के निर्देश दिस। संग ही पेट्रोल-डीजल, घरेलू एलपीजी के सुचारू उपलब्धता अउ बाटे बेवस्था के खातिर ऑयल कंपनी के  अधिकारी मनके संग जिला स्तरीय निगरानी दल गठित करे के निर्देश तको दे हावयं।