अनुवादक, वाहन चालक अउ भृत्य के खाली पद के खातिर अभ्यिर्थी मनके पात्रता सूची जारी

अंजोर.कोरिया, 12 जनवरी। छत्तीसगढ़ राज्य विधिक सेवा प्राधिकरण बिलासपुर के डहर ले राज्य विधिक सेवा प्राधिकरण अउ अधीनस्थ स्थापना म अनुवादक के 01 वाहन चालक के 01 भृत्य के 30 खाली पद के भरती बर जारी करे  गे खाली पद के खातिर मिले आवेदन के परिप्रेक्ष्य म चयन समिति के डहर ले आवेदन के समीक्षा बाद पात्र अउ अपात्र आवेदन करइया के सूची जारी करके वेबसाईट cgslsa.gov.in म अपलोड करे गे हावय। अनुवादक अउ वाहन चालक के अपात्र आवेदन करइया 15 जनवरी ले 17 जनवरी 2024 के बखत म दावा आपत्ति प्राधिकरण के कार्यालय म प्रस्तुत कर सकथे।

प्राधिकरण के सदस्य सचिव अउ चयन समिति के अध्यक्ष आनंद प्रकाश वारियाल ह बताइन के आने-आने खाली पद म सोज भरती बर विज्ञापन जारी करके अर्हताधारी अभ्यर्थी ले आवेदन पाती आमंत्रित करे  गे रिहिस। आवेदन करइया छत्तीसगढ़ राज्य विधिक सेवा प्राधिकरण के वेबसाईट cgslsa.gov.in म अपलोड सूची के अवलोकन कर सकत हावय। अपात्र पाये गे अम्यर्थीगण सूची के आखरी रिमार्क कॉलम म दर्शित करे गे करणों के संबंध म अपन स्पष्टीकरण/मूल दस्तावेज अउ उंकर सत्यापित छायाप्रतियां या आपत्ति के निराकरण बर छत्तीसगढ़ राज्य विधिक सेवा प्राधिकरण जुन्ना उच्च न्यायालय भवन बिलासपुर के तीर अनुवादक अउ वाहन चालक के अपात्र आवेदन करइया 15 जनवरी ले 17 जनवरी 2024 तक के बखत म दावा आपत्ति प्राधिकरण के कार्यालय म प्रस्तुत करके निराकरण करा सकत हावय।

यदि अपात्र आवेदन करइया ये करार बखत म उपस्थित नइ होवत हावयं त ये माने जाही के उंकर पास रिमार्क कॉलम म दर्शित सेती दस्तावेज परमान पाती के अभाव हावय अउ वो आवेदन करइया के अवइया परीक्षा बर अपात्र मानत परीक्षा म बइठे के अनुमति नइ दे जाही।