अमलेश नागेश : भैरा कका हण्डा म देखाही अभिनय संग लेखन अउ निर्देशन के जलवा

अंजोर.ए। छत्तीसगढ़ के मशहूर यूट्यूबर अमलेश नागेश के सितारा 2024 म तको बुलंद हावय। एसो उंकर सिनेमा घर म फिलिम गुंईया म चलते हावय। अब ओमन के नवा फिलिम हण्डा के चारी होवत हाबे। एन माही फिल्म प्रोडक्शन के बैनर म बनत हण्डा म अमलेश नागेश पर्दा म दिखही येकर अलावा ओमन पर्दा का पाछू के बड़का जिम्मेदारी लेखन अउ निर्देशन के तको निभाही। लेखन अउ निर्देशन उंकर बर कोनो नवा बुता नोहय, सोशल मीडिया के फैंस फालोवर एकर बड़का उदाहरण हावय।

2024 के पहिली दिन 1 जनवरी के बिहनिया फिलिम निर्माता मोहित कुमार साहू ह सोशल मीडिया म भैरा कका हण्डा के पोस्टर साझा करत ये बात के जानकारी दे हावय। अभी तो सिरिफ घोसना हाए हाबे आन कास्ट के आरो मिलना बाकी हाबे।

सतीश जैन के फिलिम ले सुरू होगे मया के कहानी ले बतौर नायक फिलिम म काम करइया अमलेश नागेश अब अभी बड़का फिलिम मोर छइंहा भुंइया 2 के शुटिंग होगे हावय अउ मई रिलीज हो सकत हाबे। ए कड़ी म अभी अमलेश नागेश के केउ फिलिम लाइन म हावय।