बीजापुर के गंगालूर इलाका म नक्सली फायरिंग म घायल जवान ले मिलिस गृह मंत्री विजय शर्मा

अंजोर.रायपुर, 2  जनवरी। बीजापुर के गंगालूर इलाका म जवान मन नक्सली मन डहर ले करे गे फायरिंग के बाद घायल जवान मन के इलाज के स्थिति जाये गृह मंत्री विजय शर्मा अस्पताल पहुंचिस। हॉस्पिटल म छत्तीसगढ़ पुलिस के 4 जवान अरविंद एक्का, कुंजाम जोगा, रोशन हिकमी अउ सुरेश कुमार मिच्छा अउ सीएपीएफ के 2 जवान इंद्रजीत प्रसाद सिंह अउ मणिकांदन के ईलाज चलत रिहिन हावय।

ए घटना म घायल 27 साल के जवान के अपन गोड़ गवां परे हावय। एक जवान ल गोली लगे हावय। भावुक परिवार वाला  तको अस्पताल म मौजूद रिहिस। क्रासफायरिंग म मृत लइका के माँ के तको इलाज उहां चल रिहिस। गृह मंत्री पीड़ित परिवार वाला के प्रति ओमन संवेदना जताई। गृह मंत्री शर्मा ह किहिन के ये हम सबो के खातिर बहुत भावनात्मक क्षण हावय। हम सब तुँहर पीड़ा के महसूस करत हावन। जेन जवान के पत्नी अपन पति के पीड़ा देखके चीत्कार रिहिस ओला संबल बंधात गृह मंत्री ह किहिन के बहिनी ये पीड़ा हम सबके हावय। हम अपन जवान मन के संग हर स्थिति म खड़े हावन। ये मउका म गृह मंत्री जी के संग आरंग के विधायक गुरु खुशवंत साहेब, डीजीपी अशोक जुनेजा, पुलिस प्रशासन के वरिष्ठ अधिकारी, डॉ. सुनिल खेमका अउ हॉस्पिटल के वरिष्ठ डॉक्टर उपस्थित रिहिस।