अंजोर.ए। प्रधानमंत्री नरेन्द्र मोदी 18 जनवरी, 2024 के मंझनिया 12:30 बजे वीडियो कॉन्फ्रेंसिंग के माध्यम ले विकसित भारत संकल्प यात्रा के लाभार्थी मन के संग गोठबात करही। प्रधानमंत्री ए मउका म उपस्थित लोगन के तको संबोधित करही। कार्यक्रम म देश भर ले विकसित भारत संकल्प यात्रा के हजारों लाभार्थी सामिल होही। कार्यक्रम म केंद्रीय मंत्री, सांसद, विधायक अउ स्थानीय स्तर के प्रतिनिधि तको सामिल होही।
प्रधानमंत्री ह 15 नवंबर, 2023 के विकसित भारत संकल्प यात्रा शुरु होए के बाद ले पूरा देश म विकसित भारत संकल्प यात्रा के लाभार्थी मन के संग सरलग रूप ले गोठबात करत हावय। वीडियो कॉन्फ्रेंसिंग के माध्यम ले पांच बार (30 नवंबर, 9 दिसंबर, 16 दिसंबर, 27 दिसंबर अउ 8 जनवरी, 2024) गोठबात होए हावय। येकर अकताहा प्रधानमंत्री ह पाछु महीना अपन वाराणसी यात्रा के बखत सरलग दू दिन (17-18 दिसंबर) के विकसित भारत संकल्प यात्रा के लाभार्थी मन के संग आमने-सामने गोठबात करिस।
देश भर म विकसित भारत संकल्प यात्रा चलाये जात हावय। येकर उद्देश्य सरकार के प्रमुख योजना मन के परिपूर्णता प्राप्ति हावय ताकि ये सुनिश्चित करे जा सके के ये योजना मन के फायदा समयबद्ध तरीका ले सबो लक्षित लाभार्थी मन तक पहुंचिस।
विकसित भारत संकल्प यात्रा म भाग ले वाला के संख्या 15 करोड़ के पार करके गे हावय। ये जमीनी स्तर म गहरा प्रभाव पैदा करे म यात्रा के सफलता के परमान हावय जेन देश भर के लोगन के विकसित भारत के साझा विजन के तनि एकजुट करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।