दृढ़ संकल्प ले होवत हावय लक्ष्य प्राप्ति : वित्त मंत्री ओ पी चौधरी

सफलता के खातिर मेहनत के अलावा कोनो विकल्प नइ : खेल मंत्री टंकराम वर्मा

अंजोर.रायपुर। लक्ष्य के प्राप्ति के खातिर सरलग प्रयास के संग परिश्रम, त्याग अउ समर्पण होना बहुत जरूरी हावय। युवा मन के स्वामी विवेकानंद अउ इतिहास म सफल विभूति के जीवन-शैली के अपनाना चाही। युवा असफलता ले न घबराएं बल्कि ये जान लें के असफलता ही सफलता के पहिली सीढ़ी होवत हावय। ये बात वित्त मंत्री ओ.पी. चौधरी ह स्वामी विवेकानंद जी के जनम जयंती सप्ताह के पावन मउका म जिला प्रशासन अउ खेल अउ युवा कल्याण विभाग के समिलहा तत्वावधान म सरकारी बद्री नारायण बागड़िया उच्चतर माध्यमिक स्कूल नेवरा म आज आयोजित युवा महोत्सव म कही।

इही रकम ले राजस्व मंत्री टंकराम वर्मा ह कार्यक्रम म युवा मन के उत्साहवर्धन करत स्वामी विवेकानंद जी के सूत्रवाक्य ’उठो, जागो अउ तब तक चलत रहो जब तक लक्ष्य प्राप्ति न हो’ के युवा मन के अपन व्यवहार म अपनाये के किहिन। ओमन किहिन के मेहनत के कोनो विकल्प नहीं। कोनो तको बुता या लक्ष्य असंभव नहीं। यदि हम ठान लें। आम जनता के प्रदेस के विकास म मिलजुलकर बुता करे होही। ए मउका म ओमन विकसित प्रदेस बनाये के दिशा म सबो के समान सहभागिता सुनिश्चित करे के आव्हान करिन।

युवा महोत्सव के ए मउका म व्यवहार न्यायाधीश वैशाली बघेल, राष्ट्रीय खेल प्रतिभा बर राजेन्द्र वर्मा, सौरभ वर्मा, धनंजय गेन्द्रे, करन यादव, मानसी वर्मा, भारती गिड़लानी, रुचिका देवांगन सहित 42 युवा प्रतिभा के उंकर उत्कृष्ट प्रदर्शन के खातिर अउ संगवारी मानस परिवार तिल्दा, लोककला मंच रंगसिंगार संदीप यदु, बाँसगीत सगुनी  सहित युवा कलाकार मन के सम्मानित करे गिस।

युवा महोत्सव के ए कार्यक्रम म कवि सम्मेलन के तको आयोजन करे गिस। एमे पंडित सुन्दरलाल शर्मा पुरस्कार ले सम्मानित मीर अली मीर, वीर रस के कवि द्वय देवेंद्र परिहार मुंगेली अउ कवि महेंद्र बेजुबाँ ह अपन काव्यपाठ ले उपस्थित जनसमूह के मंत्रमुग्ध कर दीस।

ए मउका म नगरपालिका अध्यक्ष लेमिक्षा गुरु, नगरपालिका उपाध्यक्ष विकास सुखवानी, जनपद सभापति शिवशंकर वर्मा अउ सरजा ठाकुर राम वर्मा, आन जनप्रतिनिधिगण, मुख्यकार्यपालन अधिकारी जिला पंचायत विश्वदीप, एसडीएम प्रकाश कुमार टंडन, प्राचार्य राजेश चंदानी, छात्र-छात्राएं, पालकगण सहित बड़े संख्या म नागरिकगण उपस्थित रिहिस।