किसान मनके बोनस रकम के भुगतान करें निर्देश दिस मुख्यमंत्री

अंजोर.रायपुर। मुख्यमंत्री विष्णु देव साय ह छत्तीसगढ़ सरकार डहर ले राज्य के किसान मन के 25 दिसम्बर के प्रदाय करे गे धान बोनस के रकम के आहरण म सहकारी बैंक के प्रबंधक डहर ले टाल-मटोल करे  जाये के शिकायत मिले म नाराजगी जताये हावय। मुख्यमंत्री ह अपेक्स बैंक के वरिष्ठ  अधिकारी मनसहित सबो सहकारी बैंक के प्रबंधक ल किसान मन के मांग के आधार म उंकर खाता ले तत्परता ले रकम के आहरण सुनिश्चित करे के निर्देश दे हावयं। मुख्यमंत्री ह किहिन हावय के किसान मन के अपन बैंक खाता ले रकम निकाले म कोनो तको रकम ले के दिक्कत न हो, ये सुनिश्चित करिन। मुख्यमंत्री के निर्देश के परिपालन म कलेक्टर मन डहर ले जिला म ए बेवस्था म निगरानी सुनिश्चित कराइन के संग ही हीला-हवाला करे वाला बैंकर्स के विरूद्ध कार्रवाई सुरू करके दीस गे हावय।

बिलासपुर जिला के करगी रोड सहकारी बैंक के प्रबंधक डहर ले धान बोनस के रकम आहरण म किसान मन ले कमीशन मांगे जाये के शिकायत के प्रारंभिक जांच सही पाये जाये म उहां के प्रभारी शाखा प्रबंधक के निलंबित कर दे हावय। कलेक्टर अवनीश शरण के निर्देश म जिला सहकारी बैंक के सीईओ डहर ले आज निलंबन आदेश जारी कर दे हावय। जानबा होवय के प्रभारी शाखा प्रबंधक हरिश कुमार वर्मा के विरूद्ध किसान मन ह कमीशन मांगे जाये अउ नइ दिये जाये म अभद्र व्यवहार करे के शिकायत के रिहिस। कलेक्टर ह मामला के जांच करके रिपोर्ट प्रस्तुत करे के निर्देश दे रिहिस। पहिली दृष्टया शिकायत सही पाये जाये के सेती प्रभारी प्रबंधक के निलंबन के कार्रवाई करे गे हावय।