अंजोर.रायपुर, 13 जनवरी। मुख्यमंत्री विष्णु देव साय बलरामपुर-रामानुजगंज जिला के तातापानी म 14 जनवरी के मंझनिया 12 बजे तीन दिवसीय तातापानी संक्रांति परब के सुरू करही। ए मउका म मुख्यमंत्री कन्या बिहाव योजना के तहत 400 जोड़ा के बिहाव समारोह तको आयोजित करे गे हावय। तातापानी संक्रांति परब म 14 ले 16 जनवरी तक बिहनिया 11 बजे ले संझा 4.30 बजे तक आरागाही हवाई पट्टी म पैरासेलिंग के आयोजन करे गे हावय। येकर संग ही तीनो दिन पढ़इया लइका के सांस्कृतिक प्रस्तुति होही। लोक कलाकार सुनिल सोनी अउ अबुझमाड़ मलखंभ के प्रस्तुति 14 जनवरी के होही। लेजर शो के आयोजन 14 अउ 15 जनवरी के अउ परसिध गायक उदित नारायण 15 जनवरी के संध्याकाल म प्रस्तुति दिही। दिनेश लाल यादव ’निरहुआ’ अउ सुश्री आम्रपाली दुबे के सांस्कृतिक कार्यक्रम 16 जनवरी के होही। येकर संग ही ट्राईबल फैशल वॉक के आयोजन 16 जनवरी के करे गे हावय।
तातापानी संक्रांति परब सुरू कार्यक्रम के अध्यक्षता आदिमजाति, अनुसूचित जाति विकास, पिछड़ा वर्ग अउ अल्पसंख्यक विकास, कृषि विकास अउ किसान कल्याण मंत्री रामविचार नेताम करही। कार्यक्रम म स्कूल शिक्षा, उच्च शिक्षा, संसदीय कार्य, धार्मिक न्यास अउ धर्मस्व, पर्यटन अउ संस्कृति मंत्री बृजमोहन अग्रवाल, महिला अउ बालविकास अउ समाज कल्याण मंत्री श्रीमती लक्ष्मी राजवाड़े, विधायक श्रीमती उद्धेश्वरी पैकरा, विधायक श्रीमती शकुन्तला पोर्ते, जिला पंचायत अध्यक्ष बलरामपुर-रामानुजगंज सुश्री निशा नेताम, जनपद अध्यक्ष बलरामपुर विनय पैकरा, अध्यक्ष जनपद पंचायत रामचन्द्रपुर श्रीमती शारदा देवी सिंह अउ सरपंच गांव पंचायत तातापानी श्रीमती प्रतिमा मिंज बिसेस पहुना के रूप म उपस्थित रइही।
तातापानी संक्रांति परब म 15 जनवरी के किसान संगोष्ठी अउ पंच-सरपंच सम्मेलन के आयोजन कृषि विकास अउ किसान कल्याण मंत्री रामविचार नेताम के मुख्य आतिथ्य म मंझन 12 बजे ले करिन जाही। येकर पहिली बिहनिया 11 बजे ले शालेय पढ़इया लइका अउ लोक कलाकार मन के मंचीय प्रस्तुति होही। कार्यक्रम के अध्यक्षता श्रीमती उद्धेश्वरी पैकरा करहीअउ विधायक श्रीमती शकुन्तला पोर्ते, जिला पंचायत अध्यक्ष बलरामपुर-रामानुजगंज सुश्री निशा नेताम, जनपद अध्यक्ष बलरामपुर विनय पैकरा, अध्यक्ष जनपद पंचायत रामचन्द्रपुर श्रीमती शारदा देवी सिंह, अध्यक्ष जनपद पंचायत राजपुर श्रीमती अनिता बेक, अध्यक्ष जनपद पंचायत वाइड्रफनगर श्रीमती गीता सोनपाकर अउ सरपंच गांव पंचायत तातापानी श्रीमती प्रतिमा मिंज बिसेस पहुना के रूप म उपस्थित रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।