अंजोर.ए। छत्तीसगढ़ के सांस्कृतिक वैभव ल देखके दिल्ली ले आए पहुना अभिभूत होइस। नेशनल डिफेंस कॉलेज ले आए वरिष्ठ अधिकारी मनके प्रतिनिधि मंडल ह राजधानी रायपुर के घासीदास संग्रहालय म छत्तीसगढ़ के पुरा वैभव ल देखके ओमन गढ़कलेवा म छत्तीसगढ़ी व्यंजन के आनंद लिस।
National Defense College New Delhi Senior officers visit to Chhattisgarh
नेशनल डिफेंस कॉलेज नई दिल्ली के 16 वरिष्ठ अधिकारी मनके दल छत्तीसगढ़ के भ्रमण म हावय। ये पहुना ह महंत घासीदास संग्रहालय के भ्रमण करिन। संस्कृति अउ पुरात्व विभाग के अधिकारी मन छत्तीसगढ़ के सांस्कृतिक वैभव के विस्तार ले जानकारी लिस। अधिकारी मन बताइन के छत्तीसगढ़ के सिरपुर म गुप्तकालीन लक्ष्मण मंदिर हावय। सिरपुर म ही बौद्ध धर्म के मठ हावय, इहां चीनी यात्री ह्वेनसांग आए रिहिस। येकर अलावा पूरा छत्तीसगढ़ म पुरातात्विक अवशेष मिले हावयं।
नेशनल डिफेस कॉलेज के प्रतिनिधि मंडल म कई बिदेसी पहुना तको सामिल हावयं। ये पहुना मन गढ़कलेवा म छत्तीसगढ़ी व्यंजन के खूब तारीफ करिस। ये पहुना ह चीला, फरा, खुरमी, ठेठरी सहित केऊ व्यंजन के लुफ्त उठाइस। संस्कृति विभाग के अधिकारी मन प्रतिनिधि मंडल ल छत्तीसगढ़ के वैभवशाली सांस्कृतिक परंपरा, धरोहर औरा पुरातात्विक अवशेष के संबंध म केऊ ज्ञानवर्धक प्रकाशन सामान तको भेंट करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।